БҰҰ Ресейге Украинадан әскерлерін шығару және соғысты тоқтату туралы үндеу қабылдады: Қазақстан дауыс берген жоқ

БҰҰ Бас Ассамблеясы арнайы сессияда Ресейдің әрекетін тоқтатуға және әскерлерді Украинадан шығаруға шақыратын қарар қабылдады. БҰҰ Бас хатшысы Антонио Гутерриш 23 ақпанда Ресейдің Украинаға басып кіруін айыптап, оны әлемнің ұжымдық ар-ұжданын қорлау деп атады деп хабарлайды Stan.kz ақпарат агенттігі ВВС арнасына сілтеме жасап.

Бұл қарарға 141 ел дауыс берді, жетеуі қарсы болды, 32-сі қалыс қалып, позициясын айқындамады.

Қарарда мына талаптар жазылады:

• Украинаның бейбітшілігіне қол сұқпай, БҰҰ Жарғысының қағидаттарын сақтауға шақырады;
• Украинаның егемендігіне, тәуелсіздігіне, бірлігі мен аумақтық тұтастығына өзінің аумақтық суларын қоса алғанда, халықаралық деңгейде танылған шекараларында адалдығын растайды;
• Ресей Федерациясына өзінің барлық қарулы күштерін халықаралық деңгейде танылған шекараларында Украина аумағынан дереу, толық және сөзсіз алып тастау туралы талабын тағы да жариялайды;
• Барлық тараптарды халықаралық құқықты сақтауға, оның ішінде әскери тұтқындармен жұмыс істеу және бейбіт тұрғындарды қорғау саласында сақтауға шақырады;
• Халықтың өмір сүруі үшін міндетті нысандардың шабуылына, жойылуына жол бермеу қажеттілігін атап өтеді;
• Сондай-ақ, Украинаның маңызды инфрақұрылымына жасалған және азаматтық нысандарға, соның ішінде тұрғын үйлерге, мектептер мен ауруханаларға жасалған кез келген қасақана шабуылдарды дереу тоқтатуға шақырады;

Сонымен қатар, Украина аумағында жасалған қылмыстар үшін кінәлілерді тиісті, әділ және тәуелсіз тергеу жүргізу және ұлттық немесе халықаралық деңгейде қудалау арқылы жауапқа тарту қажеттілігін мәлімдейді.

Қарарға БҰҰ-ға мүше 193 елдің 141-і, яғни халықаралық ұйым мүшелерінің төрттен үш бөлігі (73%) дауыс берді.

Алты ел Ресей жақтасып, қарарға дауыс берді. Өткен жылы, 3 наурызда және 12 қазанда төрт мемлекет Ресейді қолдаған еді

Ресейдің одақтастары Беларусь, Сирия және Солтүстік Кореядан басқа, Эритрея мен Никарагуа кезек-кезек сөз сөйлеп, қарарға қарсы дауыс беретінін мәлімдеді. Сонымен қатар, Мали одақтастар қатарына қосылды.

Ресейді соғыс мәселесінде тек Минск қолдайды.

Қазақстан, Армения, Тәжікстан және Қырғызстан өткендегідей қалыс қалып, нақты позициясын білдірмеді.

Қалыс қалған елдердің ішінде Қытай мен Үндістан және Иран болды.

13 ел жай ғана дауыс берген жоқ, олардың арасында Әзірбайжан, Түрікменстан және Венесуэла бар.

Ресейді айыптаған елдердің арасында ежелгі одақтасы Сербия да болды.

"Бұл БҰҰ Жарғысы мен халықаралық құқықты бұзу", –  деді Антонио Гутерриш Бас ассамблея отырысында.

Оның айтуынша, қақтығыстың күшеюі қауіп төндіреді, ал соғыс "аймақтық тұрақсыздық пен жаһандық шиеленістер, келіспеушіліктерді тудырады, Өзекті жаһандық мәселелерден алшақтатады".

"Жайбарақат болу дағдарысты одан әрі күшейтеді және жарғыда жарияланған жалпы принциптерімізді одан әрі бұзады. Соғыс шешім емес. Соғыс – бұл проблема. Украинадағы адамдар зардап шегуде. Украиналықтар, ресейліктер және басқа халық та бейбітшілікке мұқтаж", –  деп қосты ол.