Бокстан Азия чемпионатының медальдық есебінде Қазақстан құрамасы Өзбекстаннан жеңіліп қалды

Фото: KBF media

Бангкокта өткен тарихтағы алғашқы жастар арасындағы Азия чемпионатында Қазақстан құрамасы 22 медаль жеңіп алып, жалпы есепте екінші орынға тұрақтады. Бұл туралы Stan.kz ақпарат агенттігі хабарлайды.

Таиланд астанасы Бангкокта 1-11 тамыз аралығында жаңа халықаралық ұйым World Boxing ұйымдастырған тарихтағы алғашқы жастар арасындағы Азия чемпионаты өтті. Турнир екі жас санатын – U19 (19 жасқа дейін) және U22 (22 жасқа дейін) қамтып, құрлықтың ең үздік жас былғары қолғап шеберлерін жинады.

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от 𝘼𝙨𝙞𝙖𝙣 𝘽𝙤𝙭𝙞𝙣𝙜 (@officialasianboxing)

Жарыс қорытындысы бойынша жалпыкомандалық есепте Өзбекстан құрамасы жеңімпаз атанды. Өзбекстан боксшылары 15 алтын, 9 күміс және 7 қола медаль иеленді. Қазақстан құрамасы 7 алтын, 9 күміс және 6 қола жүлдемен екінші орынға тұрақтады. Үшінші орын Қытайға бұйырды (6-1-8).

2025 жылғы жастар арасындағы Азия чемпионатының толық медальдық есебі:

1. Өзбекстан — 15 алтын, 9 күміс, 7 қола

2. Қазақстан — 7 алтын, 9 күміс, 6 қола

3. Қытай — 6 алтын, 1 күміс, 8 қола

4. Үндістан — 4-11-12

5. Таиланд — 4-1-3

6. Жапония — 2-0-3

7. Иран — 1-1-4

8. Филиппин — 0-2-2

9. Тайвань — 0-2-3

10. Моңғолия — 0-1-3

11. Вьетнам — 0-1-6

12. БАӘ — 0-1-0

13. Оңтүстік Корея — 0-0-10

14. Қырғызстан — 0-0-2

15. Индонезия, Катар, Бутан, Гонконг, Непал, Малайзия — әрқайсысы 0-0-1.

Қазақстан чемпиондары
Қазақстан құрамасының 7 алтын медалін иеленген спортшылар:

• U19: Расул Асанханов (90 кг дейін), Құралай Егінбайқызы (80 кг дейін)

• U22: Нұрислам Қалдыбаев (60 кг дейін), Санжарәлі Бегалиев (80 кг дейін), Темірлан Мұқатаев (90 кг дейін), Гүлназ Бөрібаева (48 кг дейін), Бақыт Сейдіш (70 кг дейін)

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Kazakhstan Boxing Federation (@boxingkazakhstan)

U19 қазақстандық жүлдегерлер

• Алтын: Расул Асанханов, Құралай Егінбайқызы

• Күміс: Әділет Тортыбек, Бейбарыс Әшірбай, Тимур Тайбеков, Нұрсұлтан Қыстаубай

• Қола: Нұрсұлтан Шілдебай, Аяжан Ермек, Айым Танкібаева, Жанель Имантаева, Алина Құдайгенова, Ақбота Есімбекова, Сабина Жақсылық

U22 қазақстандық жүлдегерлер

• Алтын: Нұрислам Қалдыбаев, Санжарәлі Бегалиев, Темірлан Мұқатаев, Гүлназ Бөрібаева, Бақыт Сейдіш

• Күміс: Илья Калинин, Нұрбек Мұрсал, Шұғыла Нәлібай, Әсел Тоқтасын

Жалпы алғанда, Қазақстан жастар құрамасы 22 медаль жеңіп алды: 7 алтын, 9 күміс және 6 қола.

Бұл турнир тек жоғары деңгейдегі бәсекелестікпен ғана емес, сондай-ақ жастар арасындағы Азия чемпионатының алғаш рет IBA-дан бөлініп шыққаннан кейін құрылған World Boxing ұйымының аясында өтуімен де тарихи болды.