Биыл Испанияға теңіз арқылы қайықпен келгісі келген 10 мың турист жолда мерт болды
Испаниядағы мигранттар құқығын қорғау ұйымының есебі бойынша биыл теңіз арқылы Испанияға жетуге тырысқан 10 мыңнан астам мигрант қаза тапты. Бұл туралы Stan.kz ақпарат агенттігі ApNews.com сайтына сілтеме жасап хабарлайды.
Фото: АР photo/Maria Ximena
Демек күніне қайықпен елге жеткісі келген 30 мигрант мерт болды. Өлім-жітімнің жалпы саны өткен жылмен салыстырғанда 58% өсті.
2024 жылы он мыңдаған мигрант Батыс Африкадан Африка жағалауындағы Испания архипелагы Канар аралдарына кетті, ол континенттік Еуропаға баратын жолдағы пост ретінде жиі пайдаланылады.
Каминандо Фронтерастың айтуынша, 15 желтоқсанда тіркелген 10 457 өлімнің көпшілігі Атлант маршруты деп аталатын өткелде болған. Бұл – әлемдегі ең қауіпті жолдардың бірі.
Ұйым мигранттардың отбасыларынан және құтқарылғандардың ресми статистикасынан мәліметтер жинайды. Мерт болғандардың арасында 1538 бала мен 421 әйел бар. Баяндамада айтылғандай, ең қауіпті айлар сәуір мен мамыр болды.
Сонымен қатар 2024 жылы Мавританиядан кететін кемелер саны көбейген.
Ақпанда Испания контрабандашылармен күрес және кемемен шығудың алдын алу үшін Мавританияға 210 миллион еуро (112 миллиард теңгеден астам) көмек көрсетуге уәде берді.
Испанияның ішкі істер министрлігі осы жылдың 15 желтоқсанына дейін Испанияға 57 700-ден астам мигрант қайықпен келгенін хабарлады, бұл өткен жылдың сәйкес кезеңімен салыстырғанда шамамен 12% көп. Олардың басым көпшілігі Атлант мұхиты арқылы келді.
"Разы болмаймын": Қазақстандық әйел офисінің жанына киіз үй тігіп, мәйіт қойған көршілерінің әрекетіне шағымданды (видео)
