"Безеу сияқты": Құны 21 миллион теңгеден асатын неке жүзігі жұртты күлдірді

Facebook желісіндегі That's It I'm Ring Shaming тобында қолданушылардың бірі құны 42 мың фунт (21 млн 200 мың теңгеден аса) тұратын неке жүзігінің суретін жариялады. Алайда қымбат бұйым жұртты күлдірді, деп жазады Stan.kz.

Жүзіктің суретінің астында жүздеген қолданушы жағымсыз пікір қалдырды. Желі қолданушылары жүзікті теріге шығатын безеуге ұқсатты. 

«Жүзіктің үстінде безеу бар сияқты», - деп сынады желі қолданушыларының бірі.

«Бұл жүзікті дерматолог дәрігерге көрсетіп, «безеуді» алдыру керек сияқты», - деп әзілдеді тағы бір пікір қалдырушы. 

Ал желі қолданушыларының тағы бір тобы жүзіктің «жүкті әйелдің ішіне» ұқсайтынын жазды.