Соңғы жаңалықтар

"Ешқайсының ешкімге жаны ашымайды, эфирде ғана намысшыл": "Қалауым" қатысушысының басқалардан қатты көңілі қалған

"Евразия Бірінші арнасындағы" атышулы "Қалаулым" бағдарламасының бірінші маусымына қатысқан Саяхат Садикова шындығында барлығы эфирдегідей еместігін айтады. Әсіресе, қатысушылардың екіжүзділігінен әбден көңілі қалған. Жобаның көпшілік біле бермейтін құпияларын Stan.kz ақпарат агенттігіннің тілшісіне айтып берді. 

саяхат

Екі баласын өзі асырап отырған жалғызбасты ана Саяхат Садикова 16 жыл бұрын ажырасып кеткен. Алғашында үміткер болып келген Саяхатқа кейіннен ұйымдастырушылар қатысушы ретінде қатысуға ұсыныс тастаған. Ойланбастан қатысуға келісім берген Садикова шоуда екі ай шамасында қатысқан.  

"Теледидардан көрген бөлек. Тікелей эфирде отырып, образға кіріп, нешетүрлі айқай-шу мен пікір-таластың ортасында боласың", - дейді алғаш барғандағы сезімімен бөліскен ана. 

Көпшілік адамдар шоу бағдарлама болған соң, сенбей жатады. Рөл беріп қойған, құлағына айтып отырады деп жатады. Қаншалықты рас? 

"Қалаулым" шынайы бағдарлама. Сценарий шығар деп мен де ойлағанмын. Бірақ мен өзім қатыстым, маған ондай сценарий берген емес. Жасы үлкен әйел болған соң жастарға ақыл кеңес беріп отырасың деп айтты. Мысалы, Замира ешқандай жасандылығы жоқ, шынайы. Ал басқа қатысушылар бетіне маска киіп, эфирде басқаша, өмірде басқа болып отырады деп айта аламын. Бірақ алдын-ала, сценарий,  рөл береді дегенге келіспеймін", - деген экс-қалаулымдық мойындағысы келмесе де артынан қатысушыларға сөйлейтін уақыты мен сөзін алдын-ала құлағына "сыбырлайтыны" туралы айтып қалды. 

саяхат

"Олардың құлағына не деп сыбырлайтынын бізге айтпайды. Ұйымдастырушылар әр қатысушыны жеке шақырып алып айтады. Жеке өзіме келіп ондай тапсыра бермеді. Бірақ айтатын сөздерін үйретіп жатқандарын көрдім. Қазір солай айтасын, мынаны көмесің немесе пікірін қолдайсың дегендерін естідім", - деп жасырмай шынын айтты.  

Жобада небәрі екі ай отырған Саяхат бағдарламаға теңін тауып, шаңырақ көтерем деп үттенгенін айтып сендірді. Ал қатысушы болып келген жас қыздар мен жігіттердің өмірден теңін таба алатынын, олар тек танымалдылық үшін келіп отырғанына әбден көзі жеткен.

"Атын атап, түсін түстемей-ақ қояйын. Бірақ "Қалаулымның" үш маусымында келген қатысушылардың 80%-ы екіжүзді, мұқтаждықтан емес, хайп үшін келгендер. Соған көзім жетті. Барлығы сұлу, әп-әдемі жігіт-қыздар. Олар шоуға инстаграмда оқырман жинау үшін немесе арзан пиар үшін барады", - деген Саяхат жобадан кейін қатысушылардың адам танымай, жұлдыз болып, танауы аспандап тұрғанын айтады. 

"Бәрі жұлдыз, бәрі аспанда жүр. Бұрынғы қатысушылардан санаулы ғана адаммен араласамын, үлкен адам екен деген сыйластық жоқ. Шыны керек, қатысушылардан қатты көңілім қалған. Оларға сөзімді қор қылғым келмейді. Жастармен алысып, ұрысып отырғым келмейді. Өйткені, боққа кесек атсаң, бетіңе шашырайды деген сөз бар. Олар бәрібір өздерінің білгендерін қаламайды. Танаулары аспандап, адам танымай кеткен. Мәңгілік осылай жүреміз деп ойлайтын сияқты", - дейді ол.

Ішетін тамағы, киетін киімі, барлығы бартермен келетінін айтқан Саяхат инстаграмдағы танымалдылықтың арқасында тіпті кейбіреулері туристік компаниялар арқылы шет ел көріп келіп жатқандар бар екенін айтады. 

саяхат

Бағдарламаға барғанына өкінбейтінін, танымалдылық бергенін, "Қалаулымның" арқасында инстаграмда оқырмандар саны өсіп, табыс тауып отырғанын айтқан Саяхат бағдарламаға емес, қатысушыларға өкпесі қара қазандай.  

"60-70 үміткердің ішінде әдемісі де, ауқаттысы да келді. Ешқайсысын ұнатпады. Қалайша сонша үміткердің ішінен бір адамды таба алмайды? Міне, осыдан-ақ олар теңін табу үшін бармағанын байқауға болады", - деген Саяхат бағдарламаға жастарды емес, орта жасқа келіп теңін таба алмаған немесе ажырасқандарды қатыстыру керек деген ұсынысын айтып қалды. Өйткені, "жастарда бет жоқ, ұрысса да, қырылса да танымал болуды ойлайды" - дейді.  

Сондай-ақ, қазағым деп көкірегін ұрып отырған жігіттер мен қызымды бөтенге бермеймін деп "намысын жыртатындардың" сөзі туралы: 

"Оның бәрі бекер, жасанды. Ешқайсының ешкімге жаны ашымайды.Тек эфирде ғана намысшыл", - деп ащы да болса шындықты айтты. 

Айта кетсек, қазір жобаның үшінші маусымы жалғасып жатыр. Ол "Евразия Бірінші арнасында" "Қалауым Live" атауымен шығып жүр.

Талқылау
Пікір
Соңғы ЖАҢАЛЫҚТАР

Жол апатына ұшыраған ер адамның туыстары оның өліміне көз жеткізбестен жерлеп тастаған

Полицейлерге ер адамның денесін қазып алуға тура келді

Банк терминалының істен шығуына байланысты қазақстандық жарты миллион теңгесінен айырылып қалған

Бес ай бойы ақшасын қайтара алмай жүр

Алтын туралы қызықты деректер

Алтынның органикалық қосылыстары медицинада көптеген ауыр дерттің емдеуге қолданылады

Баян Алагөзова: Мен соңғы рет қашан ұрысқанымды ұмытып қалдым

Продюсер: Ол қате сөйлеп тұрса да, кез келген жағдайды сабырлы күйде түсіндіруге тырысамын

"Анамды екінші рет көргім келмейді": Алматы облысында көпбалалы ана алты перзентінен бас тартты

Көпбалалы ана: "Қазір балаларады ойлап жүрген жоқпын"

"Актриса болғым келген": Астаналық кран жүргізуші әйел кино мен театрды бағындыруды армандайды

Құралай Игілік: 15 жыл құрылыста жұмыс істеп жүрсем де әлі баспанам жоқ

Отқа оранған әуе ұшағы видеоға түсіп қалған

Ұшқан кезде қозғалтқыштарының бірі сыр берген

Алматыда оқушыға шабуылдаған ер адам ұсталды: Ол аула сыпырушы болып шықты

Күдікті: Қалтамнан телефонымы шығардым, ол пышақ екен деп қалды

Almaty Investment Forum-ды өткізуге бюджеттен 80 миллион теңге бөлінбекші

Форумға қонақтар әлемнің 20 елінен келеді екен

Футболшы қызбен жыныстық қатынасқа түскені үшін ойыннан шеттетілді

Бұл сәттің видеосы интернетте пайда болды
Çàãðóçêà...