Атырауда 1,2 кг мефедрон тәркіленді: Қылмыстық топтың ішінде кәмелет жасқа толмаған жасөспірім бар
Атырау облыстық ПД есірткі қылмысына қарсы іс-қимыл және жергілікті полиция басқармасының қызметкерлері синтетикалық есірткіні ірі мөлшерде сатумен айналысқандарды анықтады деп хабарлайды Stan.kz ақпарат агенттігі КТК арнасына сілтеме жасап.
Осы факті бойынша ҚР Қылмыстық кодексінің 297-бабының 3-бөлігі сірткі, психотроптық заттарды, сол тектестерді өткізу мақсатында заңсыз дайындау бойынша сотқа дейінгі тергеу жүргізілуде.
Бес адамнан тұратын қылмыстық топ заңсыз қызметпен айналысты. Ұсталғандар – 17-29 жас аралығындағы Тараз қаласының тұрғындары.
Күдіктілердің ішінде кәмелет жасқа толмаған 17 жастағы жасөспірім алаяқтық фактісі бойынша мемлекетаралық іздеуде екені анықталды.
Тексеру кезінде олардан 1,2 кг мефедрон (4 мың доза), сондай-ақ екі электронды ас үй таразысы, жеті пакет изолента және фольга тәркіленді.
Сараптама қорытындысына сәйкес, тәркіленген есірткі – мефедрон .
Қаскүнемдер Тараздан Атырауға келген. Қылмыстық топ заңсыз баю мақсатын көздеп, туыстарының атына ақша аударғаны анықталды.
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
