Армения премьер-министрі Пашинян Тоқаевтың шақыруымен Астанаға келеді
Фото: primeminister.am
Қасым-Жомарт Тоқаевтың Армения премьер-министрі Никол Пашинянды Астанаға шақырды. Бұл туралы Stan.kz ақпарат агенттігі хабарлайды.
20-21 қараша күндері Армения премьер-министрі Никол Пашинян Тоқаевтың шақыруымен Астанаға ресми сапармен келеді.
Ақорданың мәліметінше, сапар аясында екі ел делегацияларының қатысуымен келіссөздер өтіп, Қазақстан мен Армения арасындағы өзара тиімді ынтымақтастықты нығайту перспективасы талқыланады деп жоспарланған.
Айта кетейік, Тоқаев 2025 жылдың тамызында Армения премьер-министрімен телефон арқылы сөйлесіп, Пашинянды Вашингтонда Армения мен Әзірбайжан арасында бейбітшілік орнату туралы декларацияға қол қойылуымен құттықтаған еді.
“Қасым-Жомарт Тоқаев Армения премьер-министрінің жыл соңына жоспарланған ресми сапарына Астана әзірлік жұмыстарын бастап кеткенін мәлімдеді. Қазақстан келіссөздерге өз алаңын ұсына отырып, Армения мен Әзірбайжан арасындағы саяси диалогқа одан әрі септігін тигізуге ниетті”, – делінген Ақорда хабарламасында.
Еске салсақ, бұған дейін Қазақстан азаматтарының енді Арменияға жеке куәлігімен ғана бара алатыны туралы жазған едік.
"Аппақ дәлізбен жүріп өтіп, жындарды көрдім": Жүрегін ауыстырған қазақстандық клиникалық өлім мен тылсым құбылыс туралы айтты
Калия: "Дәрігерлер ата-анама “жаназаға дайындала беріңдер, тек бір аптадай өмірі қалды” деген"
Қазақстандық көршісін үйіне іздеп барып, оны өлі күйінде тапқан: Ақыр соңында қылмыстағы басты күдіктіге айналды
Азиза Омарованың айтуынша, әкесіне көрсетілген зорлық үшін ол Нагарин ауданында да, кейін қалада да арыз жазған