Министрдің айтуынша, қазіргі уақытта ауруханаларда 50 пациент ем алып жатыр. Жақында төрт адам ауыр жағдайда Нұр-Сұлтан (2 пациент) мен Алматыға (2 пациент) емделуге жіберілген.

"Медициналық көмек штаттық тәртіпте көрсетіледі, барлық қажетті дәрі - дәрмектер бар", - деп атап өтті Біртанов.

Денсаулық сақтау министрі атап өткендей, бүгінгі таңда Арыс тұрғындарына медициналық көмек көрсету үшін 17 жедел медициналық көмек бригадасы, төрт жылжымалы медициналық кешен жұмыс істейді. Министрдің айтуынша, Арыс ауруханаларында қажетті медициналық көмек штаттық тәртіпте көрсетіледі, барлық қажетті дәрі-дәрмектер бар.

Бұдан басқа, радиациялық бақылау тобы Арыс аумағын радиоактивті ластанудың бар-жоғын тексерді.

"518 зерттеу жүргізілді, радиация деңгейі аймақтың санитарлық нормалары мен табиғи аясына сәйкес келеді. Бұған қоса жарылыс болған жерлерде топырақ өлшеніп, сәулелену көрсеткіші нормадан аспайды", - деп атап өтті Біртанов.

Ол атап өткендей, мамандар атмосфералық ауаның 50-ге жуық өлшеуін жүргізіп, микробиологиялық және санитарлық-химиялық көрсеткіштерге бақылау жұмыстарын жүргізді. Тексеру қорытындысы бойынша барлық нәтижелер норманың шегінде болды.

Естеріңізге сала кетейік, Арыс қаласында 24 маусым күні таңғы сағат он шамасында №44856 әскери бөлімінің оқ-дәрі қоймаларында күшті жарылыс болды. Қала тұрғындары жедел түрде көрші аудандар мен Шымкентке көшірілді. ТЖ салдарынан үш адам қаза тапты: бір азаматтық және екі әскери қызметші. Қалада тазарту жұмыстары жүргізіліп, 28 маусымда тұрғындар өз үйлеріне орала бастады.

Қазақстанның Қорғаныс министрі ТЖ себептерінің алдын ала болжамдарын айтты, оның айтуынша, қайғылы оқиғаға электр қуатында тұйықталу, қандай да бір оқ-дәрі зарядындағы химиялық реакция, диверсия, кездейсоқ заттың түсуі немесе шөптің жануы себеп болуы мүмкін.

Талқылау