"Анасына ренжіп, көшіп кеткен": Дәулет Мұқаевтың жазбасы көпшілікті ойландырды

Мәжіліс депутаты Дәулет Мұқаев марқұм анасын еске алып, жантебірентерлік жазба жариялады. Бұл туралы Stan.kz ақпарат агенттігі хабарлайды. 

Фото: Әлеуметтік желіден алынды

Айта кетейік, халық қалаулысының анасы сирек кездесетін дерттен көз жұмған еді. 

“Анасыз өткен 60 күн. Жаным, анам жүзіңізден мейірім төгілген қандай жан едіңіз?! Иә, бұл өмірде бәріміз жолаушымыз. Баратын жеріміз бір. Сол мекеніміз жұмақтан болсын! Өлшеулі ғұмыр, өлшеулі уақыт. Былтыр әкемді қаратуға Түркияға барғанда, анам тексерілмеді. Өзекті өртейтін өкініш. “Неге мен қасында болмадым, неге тексертпедім” деп өкінемін. Ерте тексеруден өткенде ауру асқынбас еді”, – деп жазды депутат. 

• "Саған разымын" деді": Дәулет Мұқаев анасын соңғы сапарға шығарып салғанда сөз сөйледі

• "60 күн ауруханада жатып, үш рет жансақтау бөліміне түсті": Дәулет Мұқаев марқұм анасына арнап, жазба жариялады

Айтуынша, анасы туралы жазған жазбалары көп адамның анасымен қарым-қатынасының жақсаруына себеп болған көрінеді. 

“Осылай жазба жарияласам, көп адамның анасымен қарым-қатынасының жақсартуына себепкер болады екенмін. 60 күнде қаншама адам анасын шетелге қыдыртып, түрлі сыйлық жасады. Тірісінде ата-ананы қадірлеуді үйреніп жатыр. Бір оқырман хаты есімнен кетпейді. Анасына ренжіп, басқа қалаға көшіп кетіп, анасымен байланысын үзіпті. Менің жазғандарымды оқып, анасынан кешірім сұрапты. Қазір анасының жанында. Қайта қауышқанын естіп қуандым. Ұзын-сонар хат жазыпты. Осының өзі сауап іс емес пе?”, – деп жазды Дәулет Төлеутайұлы. 

Еске салайық, "Германия, Түркия дәрігерлері жауапкершілік алмады" деген Дәулет Мұқаев марқұм анасын не үшін шетелге апара алмағанын түсіндірген еді.