Форум спикерлері жаңа трендтерді, қиындықтар мен мүмкіндіктерді талқылады. Бағдарлама ауқымды болды: 3 тақырыптық ағын, екі қызықты панельдік пікірталас және нетворкинг.

Шараның басты интригасы "The Best CMO" номинациясы - маркетологтарға арналған жыл сайынғы марапат болды. "Үздік CMO" номинациясы 2018 жылы Қазақстандық өсу форумының жыл сайынғы жобасы ретінде құрылған. Номинация үздік сала көшбасшыларын анықтауға көмектеседі және елдегі ең үздік маркетолог атағы үшін бәсекелесуге бірегей мүмкіндік береді. 2022 жылдың қорытындысы бойынша үздік үш CMO анықталды: Олегжан Бекетаев – маркетинг, PR, ESG – "First Heartland Jusan Bank" АҚ басқарушы директоры, Динара Бекмұхамбет – "KazakhYuvelir" маркетинг жөніндегі директоры, Зейнеп Еркан Алп –"Efes Kazakhstan" маркетинг директоры.

Конференцияда 25-тен астам спикер баяндама жасап, нақты мысалдармен бөлісті. Панельдік талқылаулар барысында отандық брендтердің жаһандық франчайзингтерден қалай ерекшеленетіні және табысты бола алатыны, сондай-ақ маркетинг директорлары қандай қиындықтарға тап болатынын талқылады.

Бірде-бір қатысушы құр қол қалмады, әрқайсысы өзі үшін құнды нәрсе игерді : идеялар, шешімдер, таныстар мен серіктестіктер.

Барлығын ортақ, бұрынғыдан да өзекті мақсат біріктірді — маркетингтің көмегімен қазіргі жағдайда бизнесті қалай тиімді дамыту керек.

Қазақстан маркетингтік конференциясы – тәжірибе мен шешімдермен алмасу үшін маркетологтардың кәсіби қауымдастығының өкілдері жиналатын алаң.
Конференция 2018 жылдан бері өткізіліп келеді және жыл сайын ірі компаниялардың топ-менеджерлерін, халықаралық және отандық сарапшыларды, пікір көшбасшыларын қоса алғанда, 250-ден астам қатысушыны жинайды.

Іс-шараны ұйымдастырушылар: Kazakhstan Growth Forum, Centras.