Соңғы ЖАҢАЛЫҚТАР
БАРЛЫҚ ЖАҢАЛЫҚТАР

Алматы тұрғындары ағаш қандаласының қаптағанына шағымдануда. Себебі қандай? (видео)

Алматы тұрғындары әлеуметтік желілерде үйлері мен кеңселерде жәндіктер қаптап кеткенін айтып шағымдануда. Маман мұның немен байланысты екенін түсіндірді.

Алматы тұрғындары ағаш қандаласының қаптағанына шағымдануда. Биологтар себебін түсіндірді

Бұл туралы Stan.kz ақпарат агенттігі Krisha.kz сайтына сілтеме жасап хабарлайды. 

ҚазҰЗИ-дің орман мен желектерді қорғау бөлімінің басшысы Нұржан Мұхамадиевтің сөзінше, қазіргі уақытта Алматыда ағаш қандаласы немесе сасық қандала қаптаған. Маман бұл жәндіктің адамдар мен жануарлар үшін қауіпсіз екенін айтады. 

«Биылғы жылы аған қандаласының қаптауының себептерінің бірі – ауа райы жағдайы. Нақтырақ айтсақ, көктемде жауын-шашынның көп түсіп, қазір күннің 40 градусқа дейін күрт ысуы салдарынан болып отыр. Ол жәндіктердің көбеюі үшін қолайлы жағдай жасады. 

Тағы бір себебі – құстардың жетіспеушілігі мен өсімдіктердің дәріленуінің жеткіліксіздігі. Десе де қалада ағаштар мен бұталарды жаппай биологиялық өңдеу бойынша пилоттық жобалар іске қосылған», - дейді Мұхамадиев.

 

Өз сөзінде маман қандаланың масымдық белсенділігі 3-4 аптадан кейін басылатынын айтты. 

Сонымен қатар ол жәндіктермен күрес бойынша бірнеше кеңеспен бөлісті:

  1. Бөлмеде табиғи үркіткіштерді қолданыңыз. Терезе мен есіктердегі саңылауларды арнай жасыл сабынмен, эфир майларымен (мысалы, эвкалипт майы), пияз, сарымсақ, шылым сығындысымен сүртіңіз. Оларды тек бау-бақшаға арналған арнайы орталықтар мен ветеринарлық дәріханалардан алыңыздар;
  2. Ағаштар мен бұталарды дәрілеу үшін дезинсекция жасайтын компанияға немесе ПИК-ке жүгініңіз. Тек рұқсат етілген биологиялық құралдар қауіпсіздік талаптарының сақталуымен қолданылуы қажет;
  3. Құстар популяциясын арттыруға тырысыңыз. Ол үшін аулаға құс ұясын орнатыңыз. 
Çàãðóçêà...
Қазір оқып жатыр