Соңғы ЖАҢАЛЫҚТАР
БАРЛЫҚ ЖАҢАЛЫҚТАР

Алматы облысының тұрғындары көшеде әйелді зорламақ болған таксисті ұстап берді

Талғарда ер адам әйелді зорламақ болған. Тұрғындар полицияға ер адамды тұтқындауға көмектесті, деп хабарлайды Stan.kz ақпарат агенттігі облыстық полиция департаментінің баспасөз қызметіне сілтеме жасап. 

Әйелді зорламақ болған: Алматы облысының тұрғындары азғындық жасағысы келген таксисті ұстап берді

Шілденің 2-сінен 3-іне қараған түні Талғар қаласындағы қараңғы көшелердің бірінде белгісіз біреу 30 жастағы әйелге тап беріп, зорламақ болған. Сол маңдағылар әйелдің жанұшыра айқайлаған даусын естіп, полиция шақырыпты. 

Олар полицейлер келгенше оқиға орнынан қашпақ болған күдіктіні ұстап тұрған.

Ер адам 44 жастағы жергілікті тұрғын болып шықты. Ол адамдарды қала және жақын орналасқан елді мекендерге тасымалдаумен айналысады екен. Ол бұған дейін қылмыстық жауаптылыққа тартылмаған.

Қазіргі уақытта оқиғаға қатысты қылмыстық іс қозғалды. Полиция сотқа дейінгі тергеу амалдарын жүргізуде. 

Çàãðóçêà...
Қазір оқып жатыр