Алматы облысында студент жігіт оқушының макетін келемеждегені үшін қамауға алынды
Алматы облысында полиция қызметкерлері жаяу жүргіншілер өткелінде орнатылған оқушының макетін бұзғаны үшін 19 жасар жігітті анықтап қамауға алды, деп хабарлайды Stan.kz ақпарат агенттігі аймақтың ПД баспасөз қызметіне сілтеме жасап.
Көксу ауданы, Балпық би ауылында болған бұзақылық фактісі әлеуметтік желілерді бақылау кезінде анықталды. Жігіт суретте көрсетілгендей оқушының макетін келемеждейді.
"Қабылданған шаралар бойынша Алматы жоғары оқу орындарының бірінің студенті болып шыққан қылмыскер анықталып, қамауға алынды. Мамандандырылған әкімшілік соттың шешіміне сәйкес, құқық бұзушы үш тәулік мерзімге әкімшілік қамауға алынды, деп хабарлады Алматы облысы бойынша ҚДП баспасөз қызметі.
Полиция аймақтағы жол-көлік оқиғаларының алдын алу мақсатында оқу орындарының жанында мектеп оқушыларының қауіпсіздігі үшін 300-ге жуық макет орнатылғанын атап өтті. Макет жүргізушілердің назарын аударады және бұл оларды баяу жүруге мәжбүр етеді.
Сонымен қатар, полицияның түнгі уақытта жарық беретін арнайы көліктері, сондай-ақ жол апаттарының салдарын еске түсіретін апатты көлік орнатылды.