Алматы облысында полиция басшысы дау тудырған аудиожазба үшін қызметінен шеттетілді
Алматы облысындағы жергілікті полиция басқарамасының басшысы Марат Күштібаевқа қатысыт желіде даулы аудиожазба тарағаннан кейін, басы дауға қалған еді. Бүгінде қызметтік тергеу жүргізіліп жатыр. Күштібаев қызметінен уақытша шеттетілді, деп хабарлайды Stan.kz ақпарат агенттігі ішкі істер министрлігінің баспасөз қызметіне сілтеме жасап.
Сурет: Алматы облысы әкімінің баспасөз қызметі
Бұған дейін YouTube-те Алматы облыстық полиция департаментінің жергілікті полиция басқармасы басшысына қатысты аудиожазба тараған еді. Онда Марат Күштібаевтың суреті көрсетілген. Аталған аудиожазбада ер адам қоластындағылардың жұмысын сынап, балағат сөздер айтқан.
ІІМ мәліметінше, оқиғадан кейін өзіндік қауіпсіздік департаментіне қызметтік тергеу жүргізу тапсырылған.
Ал Күштібаев министр Ерлан Тұрғымбаевтың бұйрығымен қызметінен уақытша шеттетілді.
Талқылау