Ақтауда белгісіз ер адамның тіс емханасын тонауы видеоға түсіп қалған
Ақтауда белгісіз ер адам стоматологиялық клиникаға кіріп, қызметкерлерді пышақпен қорқытып, кассадан 200 мың теңге алып кеткен, деп хабарлайды Stan.kz ақпарат агенттігі "Лада" басылымына сілтеме беріп.
Қаражатты алған ер адам белгісіз бағытта қашып кеткен.
Белгілі болғандай оқиға 6 наурыз күні түстен кейін 11-шағын ауданда болған. Тонау оқиғасы бейнебақылау камерасына түсіп қалған.
Видеода қылмыс кезінде медициналық мекеменің төрт қызметкері екі ер адам және екі әйелдің оқиға орнында болғанын көруге болады.
Стоматология қызметкерлерінің айтуынша, күдікті ұсталған. Маңғыстау облысы полиция департаменті оқиғаға қатысты түсіндірме беретінін хабарлаған.
Талқылау