Ақтауда әпкесі мен інісі еріктілердің көмегімен 27 жылдан кейін қайта табысты
Астрахань қаласының тұрғыны Анатолий Самохвалов 27 жылдан кейін әпкесін Ақтау қаласынан тапты деп хабарлайды Stan.kz ақпарат агенттігі Lada.kz басылымына сілтеме жасап.
Анатолий Самохвалов бір ай бұрын Lider.kz еріктілер тобына жүгініп, ағасы Геннадийді тауып беруді сұрапты. Ер адамның сөзінше, ата-анасы, әпкесі мен ағасы Астрахань қаласынан Ақтауға көшкен, алайда кейін жақындарымен байланыса алмапты.
Ғаламтордағы хабарламалар, хаттар арқылы еріктілер бір айдан кейін Анатолийдің әпкесі Любовь Владимировна Шевченконы іздеп таба алған. Әпкесінің сөзінше, ағасы Геннадий мен ата-анасы қайтыс болған. Ал Любовьтің өзі Анатолиймен қайта жүздесуден үмітін үзіпті.
Іздеу жұмыстарына қатысқан еріктілер мен құзырлы орган қызметкерлерінің арқасында олар 27 жылдан кейін қайта табысты. Олар 20 ақпанда телефон арқылы сөйлесіпті. Енді Любовь інісімен кездесуге баруы мүмкін.
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
Алматының ауруханасында жұмыс істейтін дәрігерлер 160-250 мың теңге алады
Қазақстанда биыл БАҚ өкілдерін марапаттауға 35,2 миллион теңге бөлінген
Ал 2021 жылы журналистерді ынталандыруға тек 14,5 миллион теңге бөлінген