Соңғы жаңалықтар
Соңғы жаңалықтар

Ақмола облысында жүрдек пойыз қараусыз қалған 11 жылқыны қағып өткен (видео)

Ақмола облысында бір үйір жылқыны жолаушылар пойыздың астында қалды, деп хабарлайды Stan.kz ақпарат агенттігі Polisia.kz порталына сілтеме жасап.

жылқылар

«Петропавл-Қызылорда» бағытындағы жолаушылар пойызының машинисі «Аршалы-Анар» аралығында жайылып жүрген 11 бас жылқыны қағып өткен. Оқиға түнде болыпты. Қазір аталған факті бойынша әкімшілік іс қозғалып, жылқылардың иесін анықтау бойынша іздестіру іс-шараларын жүрізілуде.

Көлік полициясы қараусыз қалған малдардың пойыздар қозғалысының қауіпсіздігіне қауіп төндіретінін тағы да ескертеді. Азаматтар үй жануарларын жаю ережелерін мүлтіксіз сақтауы және темір жол маңында олардың жүруіне жол бермеулері тиіс дейді жол сақшылары.  

Полиция мәліметіне сәйкес, Ағымдағы жылдың басынан бері пойыздарды шұғыл тежеудің 214 фактісі тіркелген, олардың 130-дан астамы темір жол үстіне малдардың шығып кетуімен байланысты болған.

Көліктегі полиция департаментінің қызметкерлері барлық фактілер бойынша мал иелерін әкімшілік жауапкершілікке тарту үшін оларды анықтау шараларын қолдануда. 


 

Талқылау