Аборттан қалған жарамсыз эмбриондардан түрлі косметика жасалынатын боп шықты

Түсіктен қалған биоматериал- таза бизнестің көзіне айналған. Берісі әйелдердің терісін  жасартатын косметикаға қолданылса, әрісі тіпті, тағам ретінде пайдаланылатын көрінеді. Оны мамандар да жоққа шығармайды. Кезінде Голливудтың жұлдыздарынан басталған жаңа бизнес осылайша, ТМД елдеріне көшіп,  Қазақстанда да етегін кеңінен жаюда,дейді қоғам белсенділері. Алайда, министрлік, түсіктен қалған эмбриондар өртеліп, арнайы жерге көміледі деп сендіріп отыр.

Аборттан қалған жарамсыз эмбриондардан түрлі косметика жасалынатын боп шықты

Бұл туралы Еуразия бірінші арнасы хабарлайды.

Бесіктен белі шықпаған қыздарға ата-анасының келісімінсіз түсік жасатуға рұқсат беруге байланысты шу әлі тыйылар емес. Тіпті әлеуметтік желіде бұл дүние бизнестің көзіне айналды деген алып-қашпа әңгімелер тарауда.  Жұрттың пікірінше, дәл аборттан кейінгі қалған биоматериал, яғни плацента мен эмбриондар косметологияда түрлі дәрі-дәрмекке  қолданылады-мыс.

«Әрине, тақырыпқа үңілу үшін мен ғаламтордың көмегіне жүгіндім. Сонда биоматериал туралы ақпаратты көріп қалдым да, жағамды ұстадым. Биоматериал  кәдімгі бизнестің көзіне айналған екен. Яғни түсіктен қалған қалдықты, дәлірек айтсам эмбриондарды косметалогияда  кеңінен қолданады. Крем, сабын, тағы сол сияқты қымбат заттарға. Ол үшін салмағы 500 граммға жеткен эмбриондардан бағаналы жасушаларды алады екен. Бұл тәжірибе Ресей, Украина және басқа да ТМД елдерінде кеңінен жайылған», – дейді қоғам белсендісі Гүлбану Әбенова.

Отыз жыл тәжірбиесі бар гинеколог Ғалымжан Ғабдуллиннің сөзінше, бұрындары аборттан қалған биоматериалдардың барлығы арнайы пеште өртеліп, көзі жойылып келген. Десе де плацента мен эмбрионнан алынатын жасушылардың медицинаға қажеттілігін де жоққа шығармайды.

«Эмбрионның жасушалары қажет. Бірақ оларды аса стерильді жағдайларда жинап, қолдану керек. Өйткені кейін ол адамның иммунитетін жақсарту үшін қолданылады.  Әрине,  мұның барлығы тек науқастың рұқсатымен ғана жүзеге асады», – дейді гинеколог Ғалымжан Ғабдуллин.

Кейбір ақпарат көздеріне сүйенсек,  15-20 жыл бұрын аборттан кейін қалған жарамсыз биоматериалдардың  барлығы Астана маңындағы қорымдардың біріне көміліп, өртелген.  Ал бүгінде түсіктен қалған материалдар  ең бірінші арнайы зертхана жеткізіледі.

«Патология-кистология зерттеулер жасау үшін патология анатомиялық бюроларға жіберіледі. Ол зерттеулер жасалып болғаннан кейін, жанағы қалдықпен жұмыс жасайтын ұйымдар қалдықты алады. Қалдықты сұрыптауға алып барып, оларды бөледі. Мынау қалдықты жағуға болады, мынаны жағуға болмайды, көму керек деп. Оның бәрі қанша қалдық келді, қаншасы өртелінді, бәрі журналда жазылады», – дейді санитарлық-гигиеналық қадағалау басқармасының басқарушысы Алман Қосалиев.

Ғаламторға кірсең болды, эмбрионнан алынатын бағаналық жасушаға қатысты түрлі ақпараттарға жолығасың. Оған сенсек, төбе шашың тік тұрады. Түсіктен қалған биоматериал жасартатын кремдерге, сабындарға қосылады. Ал кей елдерде тіпті  тағам ретінде де қолданады екен.

«Бұрындары бағаналы жасуша адамды жасарту  мақсатында қолданылатын. Ол батыстағы Голливудтан басталған.  Әйелдер өздеріне эмбриондарды сіңіру арқылы терілерін тартып, барынша жас көрінуге талпынатын. Сондықтан, бағаналы жасушалардың пайдалы екенін жасыра алмаймыз. Оны эмбрионның жасушаларынан алады. Әрине, барлығы тек келісім арқылы заңды болса ғана», – гинеколог Ғалымжан Ғабдуллин.

«Қазір бұл сұрақ өте жан-жақты талқыланып жатыр. Бұл талқылану қажет те. Мен өткенде де айттым. Ол бүкіл біздің халықпен, ата-ана, дәрігерлермен жастармен бүкіл қоғаммен талқылану керек. Өте өзекті де қажетті нәрсе. Ал интернетте жазылғандай ол бизнеске айналды, ол биоматериалға айналады дегенге мен сенбеймін», – дейді ҚР Парламенті Мәжілісінің депутаты Зәуреш Аманжолова.

Бұл ретте жаңа бір проблема ушықпаса игі еді. Өйткені мамандар, жаңа бизнеспен бірге ақшаның соңынан еріп оңды-солды  түсік жасатқан қыздар мен  оған итермелейтін заңсыз топтар пайда болмаса екен деп  дабыл қағуда.

Stan.kz сайтын Telegram арқылы оқыңыз. Арнамызға жазылыңыз.

Çàãðóçêà...
Соңғы ЖАҢАЛЫҚТАР

40 мың доллар қажет: Алматы облысында әйел ұлына көмектесуді сұрады

Дәл қазір жеткіншек Беларусь елінде емделіп жатыр

Ресейде полицейлер 22 жастағы қызды көлікте зорлап тастады: Жәбірленуші Қазақстан азаматы

Оқиға 18 тамыз күні түнде болған

Белсенді Ғалы Бақтыбаевтың өлімі: күдікті ретінде полицей ұсталды

Ұсталғандар кісі өлімі жеке келіспеушілік салдарынан болғанын мойындап, түсініктеме берді

Семейде қоғамдық екі әжетхана құны 18 млн теңгеге бағаланды

Оларды қолдану ақылы болады, алайда бағасы әзірге белгісіз

"Не жүре алмай, не сөйлей алмай қалдық": Қарағандыда 13 адам донер жеп уланды

Зиян шеккендердің арасында 10 жасар бала да бар

Атырау театрында өрттің неден шыққаны белгілі болды

Қазір театр аумағы қоршауға алынған

Үш мың грант ақылы оқуға түскендер арасында үлестіріледі — БҒМ

Грант иегерлері тізімі бір аптадан кейін жарияланатын болады

Зорлаған адамнан жүкті болған: Баласы түсіп қалғаны үшін 40 жылға соттала жаздаған бойжеткен ақталып шықты

Сальвадор елінде қандай жағдай болсын, түсік жасатуға тыйым салынады

Батыс Қазақстанда ауылдастар бір-бірінің үйіне кіріп тамақ ұрлаған

Күдікті ретінде үш жасөспірім ұсталды

Адал ит қожайыны көз жұмған соң, 15 минуттан кейін өлді

Ер адам 8 жыл бойы ми рагымен күрескен