Абай облысында жантүршігерлік жол апатынан 3 адам қаза тапты
Фото: Видеодан скрин
Абай облысындағы Омбы – Майқапшағай халықаралық тас жолында жеңіл көлік пен минивэн соқтығысып, үш адам ажал құшты. Бұл туралы Stan.kz ақпарат агенттігі КТК арнасына сілтеме жасап хабарлайды.
Жеңіл көлік пен минивэн бетпе-бет соқтығысқан. Екі адам оқиға орнында қаза тапса, тағы бір адам ауруханаға барар жолда көз жұмды.
“25 жастағы Toyota көлігінің жүргізушісі мен 24 жастағы жолаушысы ауыр жарақат алып, оқиға орнында көз жұмды. 45 жастағы минивэн жүргізушісі ауруханаға бара жатқан жолда, жедел жәрдем көлігінде көз жұмды. Оның екі жолаушысы түрлі жарақаттармен ауруханаға жеткізілді”, – деп мәлімдеді полиция.
Соққының қатты болғаны соншалық көліктер мүжіліп қалған.
Жаңасемей ауданы полиция бөлімінің бастығы Рауан Шибутовтың айтуынша, қазір сотқа дейінгі тергеу басталды. Барлық мән-жай анықталып жатыр.
Талқылау
“Сыйлықтар сыйлап, кемінде бір пәтер алғызатын адам”: Неліктен қазақстандық бойжеткендер тоқал болуға келіседі
Психолог: "Оны көбіне "махаббат" деп түсіндіріп ақталып жатады”
Заманбек Нұрқаділовтің қаза болғанына 20 жыл: Саясаткердің өзі мен өлімі туралы не белгілі
Нұрқаділовтің билікке сын айтуы жұрт үшін тосын жаңалық емес еді