"Минус 35°C ": Синоптиктер еліміз бойынша алдағы күндерге арналған ауа райы болжамын жасады

Қазгидромет еліміз бойынша 18-22 қаңтарға арналған ауа райы болжамын жариялады.  Ел бойынша желдің күшеюі, тұман және көктайғақ болады. Бұл туралы Stan.kz ақпарат агенттігі хабарлайды. 

Фото: freepik.com

Синоптиктердің айтуынша, Атлант мұхитынан келген ылғалға толы циклон Қазақстан аумағындағы ауа райына ықпал етеді. Салдарынан еліміздің батысы мен оңтүстігінде қар, бұрқасын болады. Ал 20-21 қаңтарда солтүстік өңірлерде жаңбыр мен қар аралас жауын-шашын болжануда. Ел бойынша желдің күшеюі, тұман және көктайғақ болады.

18 қаңтарда Түркістан облысында түнде қатты жауын-шашын жауады.

Қалың қар:

• 20 қаңтарда Ұлытауда;
• 21 қаңтарда Ақтөбе, Қостанай және Солтүстік Қазақстан облыстарында;
• 21-22 қаңтарда Ақмола облысында;
• 22 қаңтарда Павлодар, Қарағанды, Түркістан, Жамбыл және Абай облыстарында жауады;
• 22-23 қаңтарда Шығыс Қазақстан, Алматы және Жетісу облыстарындада күтіледі.

• Қазақстанда биыл қыс ең жылы ауа райымен температура рекордын жаңартты 

• Еуропада аяз, жаһанда су тасқыны мен дауыл жиіледі: 2024 жылы климаттың жылыну процесі рекорд деңгейіне жетті

22 қаңтардан бастап суық ауа массасы таралып, түнде температура айтарлықтай төмендейді:

• батыста температура 10-20°C аяз;
• солтүстік-батыс пен солтүстікте 20-30°C аяз;
• орталық пен шығыста 25-35°C аяз;
• оңтүстікте 12-25°C аяз болады;

“Ел тұрғындарын қатты аяз бен күрделі ауа райына дайын болуға шақырамыз”, – деді Қазгидромет.