Spirit AeroSystems Boeing ұшақтары үшін негізгі компоненттерді жеткізеді. Атап айтқанда, компания Alaska Airlines Boeing 737 MAX 9 ұшағының фюзеляжын шығарды, ұшқан кезде апаттық шығатын жердегі тығын ұшып кетті.

Диннің туыстары 45 жастағы ер адамның өліміне кенеттен пайда болған белгісіз ауру себеп болғанын айтты. Олар Диннің сирек ауыратынын және салауатты өмір салтын ұстанғанын айтты.

45 жастағы Дин Spirit AeroSystems орналасқан Канзаста тұратын. Оның тәтесі Кэрол Парсонс марқұм қаза болғанға дейін екі аптаға жуық ауырғанын айтады.

"Біз Джош Диннің отбасымен біргеміз. Бұл компания үшін де, оның жақындары үшін де күтпеген ауыр жаңалық болды", – деді Spirit AeroSystems басшылығы.

Дин Spirit акционерлерінің топтық талап арызында қауіпсіздік ережелерін бұзды деп куәлік берді. Сонымен қатар федералдық авиация әкімшілігіне басшылықтың үстінен шағым түсірді.

2023 жылдың сәуірінде Дин жұмыстан босатылды. Сол үшін ол еңбек департаментіне жаңа шағым түсіріп, авиациялық қауіпсіздік туралы алаңдаушылық білдіргені үшін оған қысым көрсетіп жатқанын мәлімдеді.

Кэрол Парсонстың айтуынша, екі аптадан сәл астам уақыт бұрын Дин өзін нашар сезіне бастаған және көп ұзамай оны ауруханаға жатқызуға тура келген, себебі ол өздігінен тыныс ала алмай қалды.

Интубациялық отадан кейін науқаста пневмония, содан кейін MRSA бактериялық инфекциясы өршіген.

Пациенттің жағдайы тез нашарлады дейді Парсонс және оны көп ұзамай тікұшақпен Оклахома-Ситидегі ауруханаға жеткізді. Онда ер адамды қан айналымына және пациенттің денесінен тыс оттегімен қанықтыруға көмектесетін ECMO аппаратына орналастырды. Күшті седативті дәрі беріп, диализ жасалды. КТ оның инсульт алғанын көрсетіпті.

Екі ай бұрын ұшақтың ақауы туралы іс бойынша корпорацияға қарсы куәлік берген Джон Барнетт те қайғылы түрде көз жұмды. Медициналық сараптама қорытындысына сәйкес, Барнетт өзіне қол жұмсаған. Барнеттің денесі наурыз айында Оңтүстік Каролинадағы қонақүй тұрағында жүк көлігінен табылды.

Уездік коронар Барнетт өз еркімен қайтыс болды деген қорытындыға келді. Алайда екі айға жуық уақыт өтсе де, полиция тергеуі әлі жалғасып жатыр.

Барнеттің адвокаты Брайан Ноулз оның өлімінің мән-жайына күмән келтіретінін айтты. Ол екі оқиғаны компанияны сынағандарымен байланыстырып, ойластырылған нәрсе бар екенін болжады.

Талқылау