Үйленгенімізге үш жыл: Аша Матай жары Арманды тікелей эфирде құттықтады (видео)
Арман мен Ашаның отбасында кішігірім той. Көзі қарақты көрерменнің сүйікті жұбына айналған ерлі-зайыптылардың отасқанына күні кеше үш жыл толды. Бұл орайда Аша жарын тікелей эфир арқылы құттықтап, оған тосынсый жасады, деп жазады Stan.kz.
“Қалаулым” шоуына теңін іздеп келген жастарға ақылын айтқан Аша отбасын құрған соң қатты өзгергенін атап өтті. Осы уақыт аралығында Арман екеуінің бір-біріне қалай үйреніскенін әңгімеледі. Сөз соңында отбасылық қуанышымен бөлісіп, Арманға құттықтау тілегін жолдады.
“Арманды құттықтағым келіп отыр. Кеше ғана 25 қыркүйек күні біздің отбасымызға 3 жыл толған еді. Біздің отбасымыз үшін кішігірім мерейтой. Арман, мен сені өте қатты сүйемін. Жақсы көремін, сыйлаймын. Алла Тағалаға және біздің ата-анамызға сен үшін үлкен рақмет және біздің қызымыз үшін”, – деп ақжарма тілегін жеткізді Аша.
Посмотреть эту публикацию в Instagram
Арман мен Ашаның шаңырақ көтергеніне 3 жыл болыпты. Құттықтаймыз, маxаббаттарыңыз баянды болсын!
Қазақстандық жұлдыздардың өмірі жайлы t.me/kzshow арнамыздан оқыңыздар.