Зыряновта көліктер қалың жауған қар астында қалды
Тұрғындар үйлерінен тысқа шыға алмай қамалып қалды. Билік өкілдері қалың қардың салдарынан мектептердегі сабақты тоқтата тұруға мәжбүр болды.
Бұл туралы Yk-news.kz хабарлады.
Бірнеше күннен бері Зыряновты қалың қар басып қалды. Көлік жүргізушілері бірнеше сағат бойы көліктерін қардан тазалап әлек болды.
Синоптиктердің мәліметінше, қалың қар 24 желтоқсан күні жауа бастаған. Көп уақыт өтпестен-ақ жолдарда жүру қиындай бастапты. Қоғамдық көліктер уақытынан кешіктіріліп жүрді. Адам жүретін жолдар тіпті көрінбей қалған. Тұрғындар жұмысына жаяу баруға мәжбүр болды. Қар тазалау техникаларының қалың жауған қарды тазалауда қиындықтар туды.
Қала ішінде қар тазалауға 12 техника құралы жұмылдырылды. Қосымша жеке тұлғалардың да құралдары жұмыс істеді. Әуелі магистральді жолдарды тазаладық. Содан кейін ғана қалған жеке секторларды тазалауға мүмкіндік туды, – дейді Зырянов қаласының әкімі Лариса Гречушникова.
ТЖД жағдайды бақылап отыр. Ал, коммуналды қызметкерлер қардың тазалау жұмыстарын жалғастыру үстінде.