Астаналық полицейлер көшеде жүрегі ұстап қалған зейнеткерді құтқарып қалды
Астанада полиция қызметкерлері автобус аялдамасында жүрек талмасы ұстап қалған 65 жастағы Серікбай Боқұшевті құтқарып қалды. Жол полициясының екі қызметкері лейтенант Абзал Молдашев пен кіші лейтенант Роман Байділдин аялдамада құлап жатқан ер адамды байқаған. Олар сағат 22.00 шамасында халықаралық әуежай ауданында патрульдік тексеруде жүрген.
Полицейлер жерде есінен танып жатқан зейнеткерді көре сала жедел жәрдем шақырған. Дәрігерлер келгенше науқастың туыстарына хабарласып, зейнеткерді қай ауруханаға апаратыны туралы хабар берген. Бұл туралы ІІД-нің баспасөз қызметіне сілтеп, Stan.kz ақпараттық агенттігі хабарлайды.
Бұл оқиға қаңтар айының соңында болғанымен, бізге қазір ғана жария болды. Себебі ауруханадан шыққан Серікбай Боқұшев өзін құтқарып қалған полицей қызметкерлерін арнайы іздеп ішкі істер департаментіне келген.
Серікбай Боқұшев өзін полицей қызметкерлері құтқарып қалғанын ести сала Астананың ішкі істер департаментіне келді. Отбасының, туыстарының, сондай-ақ өз атынан адам өмірін құтқарып қалған полицейлерге алғыс білдірді. Полиция лейтенанттарының қырағылығының арқасында бұл оқиға жақсы аяқталды.
Жіберіп алмаңыз:
Алматыда 400 бөдене мен жиырма көгершін асырап отырған бала құс асыраудың сырын айтып берді
Астанада үш қызды қаққан жүргізушінің анасы: Менің ұлым “Үсенов-2” емес