Жыныс мүшесі жоқ әйел перзент сүюдің жолын тапты

Ұлыбритания тұрғыны ішегінің бір бөлігі арқылы қынабын қалпына келтіру отасын жасатты. Ендігі ол жатыр трансплантациясына дайындалуда.

Бұл туралы Daily Mail басылымына сілтеме жасап Stan.kz хабарлайды.

37 жастағы Тара Граттонның 3 жасынан бастап денсаулығына қатысты қиындықтары болған. Оның кішкентайынан бір ғана бүйрегі болған және бүйрек инфекциясының салдарынан жиі ауруханада жатыпты.
Дәрігерлер оны тексеріп, Майер — Рокитанский — Кустер — Хаузер синдромын (МРКХ) анықтаған.

«Дәрігерлерге денсаулығымдағы қиындықтардың себебін анықтау үшін көп уақыт қажет болды. Тіпті, олар бұрын-соңды осындай қиындығы бар қызды көрмегенін мойындады», – дейді Граттон.

Ол 14 жасында болашақта жыныстық қатынасқа түсе алуы үшін, қынап жолын қалпына келтіру бойынша ота жасатыпты.

«Менің дәрігерім қатерге бас тігіп, жыныс мүшемді қалпына келтіру үшін менің ішегімнің 5 сантимертлік бөлігін пайдаланды», – дейді әйел.

Дәрігерлер әйелдің аналық жыныс бездері болғандықтан, оның ЭКО арқылы жүкті бола алатынын анықтады.

Бүгінде әйелдің сүйіктісімен қосылғанына 4 жыл болған. Ендігі ол жатыр трансплантациясына дайындалуда.