Жыл сайын Қазақстанда бас және мойын қатерлі ісігіне 2 мыңнан астам адам шалдығады. Олардың басым бөлігі аурудың 3-4 сатысында дәрігерлердің көмегіне жүгінеді екен. «Кеш анықталған дертті емдеу қиын», – дейді дәрігерлер. Ерте анықталған жағдайда емделушілердің 90 пайызы жазылып кетеді.

«Тілдегі ісікті алып тастадық. Жақтағы ісікті тазаладық. Бұл –бірінші кезең. Мойын бездерін алып тастау – ол екінші кезең. Үшінші кезеңде реконструкция жүреді. Қалыпқа келтіру. Сонымен біздің операциялар үш кезеңнен тұрады», – дейді медицина ғылымдарының докторы, профессор Ғалым Әділбаев.

Көмей, ауыз қуысы, жұтқыншақ, мұрын қуысы, сілекей бездерінің қатерлі ісігіне бірнеше кезеңнен тұратын күрделі операция жасалады. Тамақтану, дауыс шығару қызметін қалпына келтіру үшін протездер салынады. Мұның барлығына мемлекеттен қаржы қарастырылған.

«Барлық қызметті атқарып тұр. Онсыз мен сөйлей алмас едім. Мен дәрігерлерге аурудың ең соңғы сатысында келдім. Қазір жағдайым жақсы», – дейді емделуші Игорь Прима.

Онкология және радиология ғылыми зерттеу институты республиканың 6 қаласында бас және мойын қатерлі ісігін ерте анықтауға арналған апталық өткізген. Нәтижесінде 30 адамда қатерлі ісік анықталған. Институт мамандары аталған шараны еліміздің басқа аймақтарында да өткізуді жоспарлап отыр.

Оқи отырыңыз:

Жесір әйел күйеуінің беті ауыстырып қойылған ер адаммен кездесті

Балаларымыздың денсаулығындағы кінәраттың себебі неде?

Facebook негізін қалаушылардың бірі: Әлеуметтік желілер – миымызға зиян

Ғалымдар: Мысықтар балалардың демікпе ауруына шалдығуының алдын алады

Талқылау