Жұрт Пасха мерекесін тойлаған Баян Есентаеваны сынап тастады (фото)

Күні кеше православтар мен католиктер Пасха мейрамын атап өтті. Ал белгілі продюсер Баян Есентаева мұсылманға жат мерекеге қалай әзірленгенін көрсетіп, елдің сынына ұшырады.

Бұл туралы Stan.kz хабарлайды.

Баян Мақсатқызы православ дінін ұстанатын достарын құттықтап, кіші қызы Айарудың мерекелік нан пісіргенін айтып мақтанды.

“Айарудан собалақ (авт. Пасхада пісірілетін дөңгелек нан), православтық достарымның барлығын мерекемен құттықтаймын. Ал біз шай ішіп отырмыз, өте дәмді”, – деп жазды Есентаева.

Продюсердің аталған жазбасы желіде қызу талқыға түсті. Көпшілік Есентаеваны мұсылман қауымына жат мерекеге әзірленгені үшін сынап тастады. Одан кейін танымал продюсер желіде қалдырылған пікірлерлерді өшіріп тастады.

Аз уақыттан кейін олардың бір бөлігін парақшасына жариялап, наразылығын білдірді.

“Тіпті, мереке күні бір-бірімізді кеміріп тастауға дайынбыз. Сауатсыздық және надандық. Қызым бар болғаны нан пісірді”, – дейді Баян Мақсатқызы.

Жіберіп алмаңыз:

Есін жиған Ернар Айдар тілеуін тілеген жандарға алғыс айтты

Сәкен Майғазиев: Димаш әлемге қазақша амандасып тектілігін танытты

Роза Рымбаева: Димаштың елімізде халықтың сүйікті әншісі атануына мүмкіндік аз

Димаш Құдайбергенов Қытайдағы I am a Singer байқауында 2-орын алды