Жолаушыларына лимузиннің үстіне отыруға рұқсат берген жүргізуші табылды
Полиция үйлену тойындағы серуенде түсірілген атышулы видеоның мән-жайын анықтады. Алматы облысына қарасты жол сақшылары жолаушыларына лимузиннің үстіне шығуға рұқсат берген жүргізушіні тауып, оған айыппұл салған.
Hummer H2 лимузині жүрген той серуні видеосында ер адам көліктің төбесіне шығып алып, жастар терезеден денелерін жартылай шығарып жүрген.
Бұл оқиға 5 тамызда Қаскелең қаласында болыпты. Hummer H2 жүргізушісі Қарасай ауданы Қарғалы ауылының 36 жастағы тұрғыны екен. Ол ҚР ӘҚБК 593-бабы бойынша жауапқа тартылды.
Бұл бапқа сәйкес жүргізуші 5 АЕК (11 мың 345 теңге) айыппұл төлеуге міндеттелді.
Оқи отырыңыз:
Қостанайда жүргізушісі жоқ лимузин зейнеткерді қағып өлтірді
Дәрігерлер ине жұтып қойған баланың өмірін сақтап қалды
Талқылау