Жапонияның Томиока қаласында жалғыз тұрғын өмір сүреді

Сәрсенбі, 9 Наурыз , 2016 19:11

Томиокада қауіпті болса да өз үйі өлең төсегін қиып кете алмаған жалғыз тұрғын өмір сүреді. Ол – Наото Матцумара. Фукусимадағы апаттан кейін жұрт ошарыла көшкенде, ол малдарын қимай, осында қалған.

Безымянный

Бұл туралы 24.kz хабарлайды.

«Фукусима» атом электр стансасындағы радиациялық апатқа 5 жыл болды. Жергілікті билік жақын маңайда орналасқан елді мекендер мен қала халқының қалыпты тіршілік етуіне жағдай жасап жатыр. Алайда оған елдің бәрі көнер емес.

Қаңыраған көше, қираған ғимараттар. Кезінде 16 мың халқы бар Томиока қаласының бүгінгі кейпі осы. Фукусима стансасынан 12 шақырым қашықтықта орналасқан шаһар тұрғындары 5 жыл бұрынғы апаттан кейін шұғыл түрде эвакуацияланған болатын. Жақын маңайдағы елді мекендерді қосқанда, мұнда бас-аяғы 100 мың адам қауіпсіз жерге көшірілген.

Күншығыс елі билігінің айтуынша, келесі жылдың көктеміне дейін шаһардағы радиациялық көрсеткіш қауіпсіз деңгейге дейін төмендеуі тиіс. Сондықтан тұрғындарға қорықпай-ақ бұрынғы баспаналарына қайтып оралуына болады. Алайда биліктің бұл жоспарымен келісетіндер некен-саяқ.

Томиокада қауіпті болса да өз үйі өлең төсегін қиып кете алмаған жалғыз тұрғын өмір сүреді. Ол – Наото Матцумара. Фукусимадағы апаттан кейін жұрт ошарыла көшкенде, ол малдарын қимай, осында қалған. Бүгінде Ноато қаңырап қалған қалада жалғыз өзі түтін түтетіп отыр.

“Халықтың қайтып оралуына кедергі болып отырған басты мәселелердің бірі – психологиялық қиындықтар. Радиоактивті қалдықтарды көрген жұрт еш алаңдамай өмір сүре алады деуге болмайды. Олар өздерін қауіпсіз сезіне алмайтыны анық, – дейді Науто Матцумара.

Қазір қаңырап қалған қалада залалсыздандыру және қалыпқа келтіру жұмыстары қызу жүріп жатыр. Алдағы уақытта мұнда Халықаралық ядролық зерттеу орталығын құру жоспарда бар. Билік шаһарда жаңа жұмыс орындарын ашуды да көздеп отыр. Алайда, мұның бәрі халықты қаншалықты иландыра қоятыны әзірге белгісіз.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Пікір қалдыру

wpDiscuz
Орташа айырбас бағамы
24.01.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар