Жапониялық сумо шеберлері қалай өмір сүреді (фото)
Жапонияның Нагоя қаласында сумо шеберлері дайындалатын будда ғибадатханасы бар. Спорттың бұл түрін жапондар 15 ғасырдан серік етіп келеді.
Бұл туралы Daily Mail хабарлайды.
Спортшылар күніне 8000 калория тамақ тұтынып, оттегі маскасын киіп ұйықтайды. Сосын үнемі белге орайтын таңғышпен жүріп, жаттығу жасайды.
Балуандар күн сайын таңертең әдістер жасап, ал сағат 10:30-да жаттығу аяқталған кезде өз жанкүйерлерін қабылдап, олармен суретке түсіп, қолтаңба таратады. Әрі қарай кесте бойынша тамақтануды бастайды.
Спортшылар жарма көже, қуырылған балық, күріштен жасалған тамақтарды жейді.
Қазіргі таңда ғибадатханада 11 адам дайындалып жатыр.
Түскі астан кейін олар оттегі маскасын киіп бірнеше сағат ұйықтауы керек. Бұл олардың жеңіл тыныс алуына мүмкіндік береді. Олар әр жаттығу мен жекпе-жек алдында созылмалы дәкені аяқтарына таңып алады.
Сумоның жапондарға ғана тән спор екеніне қарамастан, қазіргі кезде онымен айналысатын шетелдіктер саны артқан. Шетелдіктер арасында моңғол спортшыларының бәсі жоғары.
“Тіл – басты проблема. Мені не мақтап жатқанын, не ұрысып жатқанын түсіне алмаймын”, – дейді Кекутенхо деген лақап атпен танымал шыққан тегі моңғолдық балуан әрі бапкер Томозуна Ояката.
Шын есімі Нямжавын Цэвэгням деген моңғол азаматы жапонша жақсы сөйлейді және жапон әйеліне үйленіп, осы ел азаматтығын алған.
Оқи отырыңыз:
Мен сатқын емеспін: Қазақстандық боксшы не үшін Альвареспен жаттығып жүргенін түсіндіріп берді
Сұлулардың түн ұйқысын ұрлаған Дәулет Тұрлыхановтың ұлы жайлы не білеміз?
Майк Тайсон бала күнінде сексуалды зорлықтың құрбаны болғанын мойындады