Соңғы жаңалықтар
Соңғы жаңалықтар

Жапония туристерді қызықтыру үшін ниндзя қызметін ашты

Хонсю аралындағы Айти префектурасында мемлекеттік қызметте тұрақты істейтін алты ниндзя қызметкерін іздестіріп жатыр. Олар түрлі шараларға және туристерді қызықтыратын жергілікті мәдени қойылымдарға қатысу міндетттеледі.

0

Сурет publy.ru

Бұл туралы ҚазАқпарат хабарлайды.

Жергілікті биліктің хабарламасында жауынгер қызметіне үміткерлер дене дайындығы жоғары деңгейде, әрі акробаттық машығы болуы тиіс. Бір қызығы шайқасқа қатысқандар бұл лауазымға сай емес делінген.

Сынақтан өткен алты ниндзя тұрақты әрі толық жұмыс күні бойынша қызмет етеді. Олардың айлық жалақысы 1 600 доллар шамасында болады. Бұл қаржы тек қана акробатттық тәсілдерді көрсету ғана емес, префектураны жарнамалау және радио-теле бағдарламаларға қатысқаны үшін беріледі.

XV ғасырда Жапонияда ниндзялар барлаушы-диверсант, жансыз немесе жалдамалы кісі өлтіруші болған. Аңызға сенсек, олар бала шағынан ниндзюцу атты өте қиын жауынгерлік өнерді меңгерген.

Талқылау