Жанар Айжанова: Мен емес мені сынаған адамның өзі тозаққа түспекші (фото)
Жұртқа жастайынан домбырасы қолынан түспей, қазақы нақышта киініп жүріп танылған Жанар Айжанованың демалыстағы қысқа киімін тыңдармандары сынаған. Көпшілік бұған дейін шорты киіп қайғылы жағдайға душар болған Баян Есентаеваның қазіргі халін мысалға келтірген. “Заманы мен жүрген ортасына сай адамы” деген Жанар Айжанова қатты айтылған сыни пікірлерге байланысты ашуланып қалған сияқты.
“Таңғы астан кейін теңізге түсуге бара жатырмыз. Су жып-жылы, тұнық, шомылуға керемет болып тұр. Қыз-келіншектер сендерге де бұйыртсын осындай демалысты. Мына жерде бізден басқа бір қазақ жоқ. Барлығы немістер, болгарлар. Біздің жастарымыз да осындай демалысқа лайықты ғой. Жер көріп, қалай сөйлеп, қалай жүріп-тұруды үйренер еді. Отырып алып аузына келгендерін құсқанша. Бұны алдыңғы суретке жазған жастардың сөздеріне қарап айтып жатырмын. Мен дүниенің төрт шетін аралап көрген адаммын. Қалай киінсем де сол жерге байланысты киінемін. Апаларыңа имансыз деп өз имандарыңнан айырылып қалмаңдар. Құдай кешірсе, мен кешірдім. Жассыңдар ғой, әлі өмір көрмеген. Аузым бар екен деп айтуға асықпаңдар. Маған айтқан тозақтарыңа өздерің тілдеріңмен баспалдақ жасап жатырсыңдар”,-депжауап жазған әнші Жанар Айжанова.
Әнші ашуланған тыңдармандарының сынынан кейін де қысқа балақты шалбарлардың басқа түрін киіп суретке түсіп, желідегі парақшасына жүктеген.
Әнші қызы Айжұлдызбен бірге Болгарияда демалып жүр.