Жаңа жыл түнінде елімізде 38 градус аяз болады

Жаңа жыл түнінде аяз күтіледі. 29 желтосқан мен 2019 жылдың 2 қаңтар күндеріне арналған ауа райы болжамын жасаған синоптиктер осылай дейді, деп хабарлайды Stan.kz.

Жаңа жыл түнінде елімізде 38 градус аяз болады

«Қазгидромет» мәліметінше, алдағы екі тәулікте Қазақстан территориясы арқылы атмосфералық фронттардың өтеді. Соған байланысты солтүстік, орталық және шығыс облыстарда қармен бірге бұрқасын болып, ауа температурасы жоғарылайды. Алайда 31 желтоқсанда бұл аймақтарда күн суытып, жаңа жыл түнінде аяз 25-30, кей жерлерде 33-38 градусқа дейін жетеді.

Республиканың шығысында 2 қаңтардың түнінде кей жерлерде 40 градус аяз болады.

Оңтүстік және оңтүстік-шығыс облыстарда жауын-шашын түсіп, жылбысқы қар, қар жауып, тұман және көктайғақ күтіледі. Бұл аймақтарда да жаңа жыл түнінде 3-8, кей жерлерде 15-20 градус аяз болады деп күтілуде.

Батыс облыстарда жаңа жыл күндері жылбысқы қар жауып, тұман және көктайғақ болады. Ауа температурасының аздаған ауытқуы көпжылдық нормаға жақын болады.

Stan.kz сайтын Telegram арқылы оқыңыз. Арнамызға жазылыңыз.

Загрузка...
Қазір оқып жатыр