Жаңа зеландиялық шебер ауру балалар үшін керемет татуировкалар жасады (фото)
Мамыр айында жаңа зеландиялық суретші Бенджамин Ллойд әлеуметтік желіде Окландтағы балалар ауруханасының емделушілеріне тегін татуировка жасап беретінін айтқан.
Бірақ, ол талап ретінде осы жазбасының 50 лайктан астам жинауын сұраған.
Ақырында, оның жазбасы бірден 400 лайк жинап, одан әрі өсе түскен.
Енді Бенджаминге өз уәдесін орындауға тура келген.
Ол 10 жылдан бері негізінен аэрографиямен, ал татуировкамен аз уақыттан бері ғана айналысып келе жатыр екен.
Ол ауруханаға келіп балаларға татуировка жасай бастағанда, оның бұл әрекеті қоғамда үлкен қызығушылық тудырған.
“Балаларды ынталандырғаным маған үлкен қуаныш сыйлайды. Оларға осы уақытша татуировка арқылы болса да сенімділік сыйлай алғым келеді. Бір қиыны сурет салынып болғаннан кейін балалар душ қабылдағысы келмейді”, – дейді Бенджамин.
Талқылау