Жаңа оқу жылынан бастап мектептерде арнайы шахмат пәні пайда болады
Елімізде “Мектептегі шахмат” бағдарламасы аясында 36 мұғалім мен 20 психолог дайындықтан өткізілмек.
Бұл туралы NewTimes.kz хабарлайды.
Биылғы жылдың 1 қыркүйегінен бастап пилоттық жоба аясында жұмыс істейтін педагогтар мен психологтар 29 мамырдан бастап Алматыда білімдерін жетілдірмек.
Жаңа бағдарлама академик Шахмардан Есенов атындағы ғылым-білім қорының және Қазақстан шахмат федерациясының бастамасымен Алматы, Қызылорда, Павлодар мектептерінде енгізілмек. Жобаға 1500 екінші сынып оқушылары тартылады.
2017 жылдың 1 қыркүйегінен Алматы, Қызылорда, Павлодар мектептеріндегі 18 мектептің сабақ кестесіне “Шахмат” пәні енгізіледі. Жобаның демеушісі академик Шахмардан Есенов атындағы ғылым-білім қоры. Бұл ұйым арнайы кластарды жабдықтайды: әр мектеп 20 шахмат тақтасы мен фигураларын, таныстырылым тақтасын, проектор мен экран, ноутбук, дыбыс күшейткіш, сондай-ақ, “Мектептегі шахмат” оқулығын, жұмыс дәптерлерін, мұғалімдерге арналған методикалық кітапшаларды алады.
“Бағдарлама бойынша оқыту аптасына 1 рет аталған мектептердің 2-сыныптары үшін жүргізіледі. Пилоттық жобадағы олардың саны 42. Оқулықтар кешенін біз мемлекеттік және орыс тілінде жасадық. Олардың авторлары – белгілі қазақстандық шахматшылар Флюра Хасанова мен Гүлмира Дәулетова”, – деді аталмыш қордың атқарушы директоры Айғаным Мәлішева.
Оқи отырыңыз:
Англияда оқып жүрген қазақ жастары жойқын жарылыстан қалай аман қалғандарын айтты
Бұдан былай бала туған кезде автоматты түрде балабақша кезегіне қойылады
ОҚО-да 83 жастағы таксист қария жолаушылардың өз қалауымен берген ақшасын ғана алады