Бұған дейін хабарлағанымыздай, 15-ші ақпан күні Байзақ ауданына қарасты Бурыл ауылында, 2010 жылы туылған баланың өз үйінде азапталып өлтірілген денесі табылған еді. Болған жайт бойынша кәмелетке толмаған баланы қасақана өлтіру бабы бойынша іс қозғалған еді.

Күдікті келесі күні қолға түскен, ол бірден істеген қылмысын мойындаған еді. Қылмыс ұрының үйді тонауының кесірінен болғаны анықталған еді. Яғни күдікті сол үйге бұйымдарын қолды ету мақсатында кіргені белгілі болған. Қазір осы іс бойынша бірқатар сараптамалар тағайындалып, бірнеше тергеу-тексеру жұмыстары жүргізіліп жатыр.

Ауыл халқы қанды қылмыстың әділ қаралуын талап етіп жаппай көшеге жиналған еді. Жергілікті әкімдік пен полиция елдің тыныштығын қатаң бақылауға алған.

ІІМ Қалмұханбет Қасымов Бурыл ауылындағы жағдайдың тұрақтанғаны жайлы хабарлаған еді. Қасымов өз сөзінде Бурыл ауылының әкімдігі мен полициясы жергілікті түрік диаспорасы елдің тыныштығын қамтамасыз ету мақсатында барлық шараларды жасап жатқанын айтқан еді. Ол өз сөзінде қылмыстың астарын қазбалаудың керегі жоғын, тек тұрмыстық жағдайда орын алғанын айтқан еді.

«Біз қайғырып отырған отбасыға барып кешірім сұрадық, қажетінше материалдық көмек көрсеттік. Жерлеу рәсіміне біз ғана емес, ауыл болып көмек қолын созуда. Бұған дейін ешкім барып біреуді ұрған емес. Барлық жайтты әңгімелестік. Біздің қариялар ел алдына шығып сөйлеп, кешірім сұрады»,-дейді Махмуджан Давришев

Талқылау