Жамбыл облысында зорлап, өлтірілген баланың өгей әкесі тұтқындалды

Жамбыл облысында өз ауласында өлі күйінде табылған баланың өгей әкесі тұтқындалды. Ол осы қылмысқа қатысты жауапқа тартылмақ. Асыранды әкесі баламен өте қатаң араласқан екен. Бұл туралы КТК телеарнасы хабарлайды. 

Өгей әке баланы ғана емес, оның 10 жасар әпкесін де зорлап келіпті. Бұл туралы ақырында балалардың өзі айтқан. Бұған дейін айтуға олар қорқып жүріпті. 7 жастағы Ерасыл Қабыланбек аулада асылған күйі табылған болатын. Ал күдіктілердің бірі өгей әкесінің ағасы әлі табылмаған.

«Ол әлі ұсталған жоқ. Ұсталған кезде міндетті түрде хабарлайтын боламыз және сол кезде биологиялық экспертиза жүргізілетін болады», – дейді Жамбыл облыстық ІІД баспасөз қызметі.