Зейнеткерді өрттен құтқарған қызылжарлық полицейлер марапатқа ұсынылмақ

Жұма, 27 Мамыр , 2016 8:01

Қызылжарлық тәртіп сақшылары зейнеткер әйелді өрттен аман алып қалды. КТК арнасының хабарлауынша, ол зираттың басына қоршауды сырлауға барған екен.

14244967109mqep

Сурет today.kz

Кенеттен қураған шөп тұтанып, егде әйел түтіннің иісінен есінен танып қала жаздапты. Оны есеңгіреген күйі автоинспекторлар тауып, алғашқы көмек көрсеткен.

Оқиға Қызылжар ауданы Бескөл ауылы маңындағы зиратта болған. Демалыс күні әйел туыстарының моласын сырлауға келген екен. Алайда кенеттен қураған шөп тұтанып, түтінге тұншығыпты. Осы маңнан өтіп бара жатқан тәртіп сақшылары қою түтінді байқап, өрт шыққан жерге демде жеткен.

“Ағаштың түбінде қисалаңдап бір әйел тұрды. Біз оны қисалаңдаған соң мас деп ойладық, бірақ жанына келген кезде бізді көрді де есінен танып осы жерде құлады. Біз оны ұстап қолтықтап, таза ауаға шығардық”, – дейді СҚО ІІД қызметкері Арман Қабдоллаев.

Екі лейтенант Руслан Әлімкин мен Арман Қабдоллаев жедел жәрдем шақырып, дәрігерлер әйелді ауруханаға алып кеткен. Айтуларынша, сәл кешіккенде оны аман алып қалу неғайбыл еді.

“Қазір науқас өздігінен дем ала бастады. Жағдайы әлі де ауыр. Тиісті ем шара алып жатыр. Толығымен айығып кетеді деуге негіз бар” ,- дейді реаниматолог Вадим Аксенов.

Дәрігерлер әлі де жансақтау бөлімінде жатқан әйелмен тілдесуге рұқсат бермеді. Ал қос лейтенант оның жағдайын күнде сұрап біліп тұрады екен. Оларға зейнеткердің ұлының да алғысы шексіз.

“Анамды аман алып қалғаны үшін оларға ризамын. Олар да өрттің ортасына кіріп бастарын қауіпке тікті. Сол жерде жүргендердің ешқайсысы шешеме көмек көрсетпепті”, – деп алғысын айтты Евгений Хомяков.

Қос лейтенант қызмет ететін Қызылжар аудандық ішкі істер бөлімінің басшылығы енді оларды марапатқа ұсынбақшы.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
18.01.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар