ҰҚК Алматыда пара алған салықшылардың қалай ұсталғанын көрсетті

Қазақстанның Ұлттық қауіпсіздік комитеті 2018-2019 жылдары Алматы қаласында Мемлекеттік кірістер департаментінің лауазымды адамдарының резонансты  қылмыстық істер бойынша ірі мөлшерде қорқытып пара алу фактілерін анықтап, жолын кесті, деп хабарлайды ҰҚК-ның баспасөз қызметіне сілтеме жасап Stan.kz.

ҰҚК Алматыда пара алған салықшылардың қалай ұсталғанын көрсетті

2018 жылы коммерциялық құрылымдардың бірінің басшысы Қазақстан азаматы А.-дан 15 мың АҚШ доллары мөлшерінде пара алу кезінде қылмыс үстінде ұсталған Алматы қаласы Мемлекетті кірістер департаментінің қызметкерлері Нұрғасымов пен Қожабеков сотталды.

2018 жылдың соңында осы департаменттің тағы бір офицері өз әріптестеріне қатысты шығарылған үкімге қарамастан, жәбірленуші А.-дан тағы да пара талап етті. Сонымен,  департаменттің аса маңызды істер бойынша аға тергеушісі Есембаев қылмыстық жауаптылыққа тартумен қорқытып, бірнеше мәрте кездесуде А.-дан 13,5 мың долларды қорқытып алмақшы болған», - делінеді хабарламада.

ҰҚК Алматыда пара алған салықшылардың қалай ұсталғанын көрсетті

Есембаев заңсыз ақшалай сыйақы алу кезінде ұсталды және тергеу барысында толықтай дәлелденді.

Кінәсін мойындағанын және жасағанына өкінетінін ескере отырып, пара алушы Есембаев Алмалы ауданының сотымен 2 жыл 7 айға бас бостандығынан айырылды. 

Stan.kz сайтын Telegram арқылы оқыңыз. Арнамызға жазылыңыз.

Загрузка...
Қазір оқып жатыр