ЭКСПО-2017 кезінде Астанаға әлемдік деңгейдегі танымал өнер жұлдыздары шақыртылмақ
ЭКСПО қонақтары үшін Астанада әлемдік сахнада өнер көрсетіп жүрген әншілер ән шырқайды. Ол үшін әлемнің түрлі елдерінен балет, опера поп-әншілер танымал классикалық орындаушылар шақыртылатын болады.
Бұл туралы Қазақстан жаңалықтары хабарлайды.
Балет жұлдыздары мен опера өнерінің майталмандары сондай-ақ, поп-орындаушылар Қазақстанға ЭКСПО-2017 көрмесіне арнайы шақырылатын болады, – дейді кәсіпкерлік пен өнеркәсіп басқармасының басшысы Малика Бектұрова.
«Бағымызға орай ЭКСПО – 2017 ауа-райы ең қолайлы, ол кезде 25 градус жылы болатын кезде өткізілмек. Мұның өзі көрме қонақтары мен туристерге ыңғайлы жағдай», – дейді Малика Бектұрова.
Алдын ала болжам бойынша, көрме өткізілетін үш айдың ішінде Астанаға 2,1 миллион қонақ келмек. Олардың 85%-ы қазақстандықтар болса 15%-ы шетелдік қонақтар.
«Біздің қолымызда ұйымдастырылатын шаралардың тізімі бар. 3517 шара ЭКСПО аумағынан тыс жерде ұйымдастырылады. Жоспарланып отырған 3296 шара ЭКСПО аумағында өткізілетін конференциялар мен концерттік жиындар. 3517 шара бізде өткізіледі: халықаралық сәулетшілер жиыны, танымал іскер әйелдердің кеңесі. Бұдан бөлек әлемге танымал балет, опера поп және классикалық орындаушылар шақыртылады», – деп қосып өтті.
Бұдан бөлек келетін қонақтардың тұратын орындары да алдын ала жоспарланып қойылған.
«Қазірдің өзінде 30 мың қонақ үй номері бекітілген. 2017 жылға қарай тағы 5 мың номер қосылатын болады. Бұл алдағы уақытта салынып бітетін 24 қонақ үй мен 4 жатақхана құрылысына байланысты. Сондықтан осының арқасында тұратын жердің мәселесі толықтай шешіледі», – деп ақпараттандырды басқарма басшысы.
Ол сондай-ақ, жазғы лагер құру мәселесі қарастырылып жатқанын айтып өтті.
«ЭКСПО уақытында жұмыс істейтін жазғы лагер ұйымдастырылмақ. Осы жылы жазда алдын ала еріктілердің қатысуымен тестілеу лагерін ұйымдастырамыз», – деп аяқтады өз сөзін Бектұрова.