Волгоградта 28 жастағы мұғалім әйел 15 жасар оқушымен көңіл қосқан

Төменгі сыныптарға сабақ беретін Ангелина Д. есімді оқытушы 15 жастағы мектеп оқушысымен көңіл жарастырғаны үшін тергеуге алынды. Белгілі болғандай Волгоград облысында 28 жастағы мұғалім әйел 8 сыныпта оқитын 15 жасар Алексеймен махаббат құрған.

Бұл туралы life.ru хабарлайды.

Оқушының ұстазымен жыныстық қарым-қатынаста болғанын оның бірге түскен суреттері мен хаттарын кездейсоқ көріп қалған баланың анасы біліп қойған. Әйел бірден мектеп директоры мен құқық қорғау органдарына хабарласқан.

Оқиғаның тек рас екендігін мәлімдеген оқу ордасы аталмыш іс бойынша әзірге пікір білдірмеді.

“Әзірге зерттеу жұмыстары жүргізіліп жатыр. Істің ақ-қарасы әлі ашылған жоқ”, – деді мектеп директоры Лайфа Соколова.

Мұғалім мен оқушы интимдік байланысқа бірнеше рет түскен. Жыныстық әрекет бір мәрте подъезде орын алса, екі рет олар Алексейдің үйінде жақындасқан.

“28 жастағы әйелдің әрекетіне байланыс екі қылмыстық іс қозғалып отыр: “16 жасқа жетпеген жасөспіріммен жыныстық қатынасқа түсуі” және “тәртіпсіздік әрекеті” үшін”, – деп хабарлады Волгоград облыстық құқық қорғау органдары.