“Ұяламын”: Зарина Омарова ең үлкен кемшілігі жайлы айтты

Зарина Омарова 10 жыл бойы өнерден жырақта болып, бар уақытын отбасына арнаған. Осы уақыт аралығында бір ұл, бір қызды дүниеге әкелген әнші сахнадан бас тартты. Тәулігіне 24 сағат, жылына 365 күн балаларының жанынан табылды. Десе де, олардың тәрбиесіне келгенде бойында өкініші де жоқ емес.

Бұл туралы Stan.kz ақпараттық агенттігі “Ел аузында” бағдарламасына сілтеме жасап хабарлайды.

“Үлкен ұлым Әлижан, 5-сыныпта оқиды, қызым биыл 1-сыныпқа барды. Ұлым математикаға жақын, біздің әкеміз физматты бітірген. Болашақта жақсы бір маман болып шығады деп сенемін. Ал қызым мен жаққа бұрылып кеткен”, – дейді Омарова.

Қызы өнерге жақын болғанымен, Омарова оның әнші болғанын аса қаламайды. Себебі:

“14-15 жасымнан бастап үлкен Роза Рымбаева апаларымызбен, Ақжол Мейірбеков ағаларымызбен гастрөлдетіп жүретінмін. Қыз балаға екі есе ауыр, өйткені ол отбасын құрып, ана болуы керек”, – дейді ол.
Ал Заринаның ең үлкен өкініші – балаларының орыстілді болуы. Әншінің айтуынша, үйдегі отағасы орысшаға жақын адам. Ал бүгінде үйде ана тілінде сөйлейтін Заринаның өзі ғана екен. Сұхбат кезінде аналарының жанында болған бүлдіршіндер журналистің сауалына тек орыс тілінде жауап берді.

“Балаларым кішкене орысқұл, одан ұяламын. Ол менің ең үлкен кемшілігім деп ойлаймын. Жолдасым орысқұл болғаннан кейін, үйде қазақша сөйлейтін жалғыз адам мен. Менің қазақшамды үш адам түсінбейді”, – дейді Зарина.

Сондай-ақ, Омарова өзінен кейін ерген сіңлісі мен інісі жайлы да баяндады.

“Менің жанұямда мен ең үлкені, менен кейін Мәдина есімді сіңлім, Азамат есімді інім бар. Ініме әкеміздің композиторлық қабілеті дарыған. Керемет даусы бар деп айта алмаймын, ал сіңлім мүлдем ондайға жоқ. Әншілік, сахнадан алыс”, – дейді Зарина.

Еске сала кетейік, бұған дейін артық салмағының кесірінен күйеуінің Зарина Омаровадан ұяла бастағанын жазған едік.

Қазақстандық жұлдыздардың өмірі жайлы t.me/kzshow арнамыздан оқыңыздар.