Усэйн Болт: Рио менің соңғы Олимпиадам болмақ
Ямайкалық жеңіл атлет Усэйн Болт 200 метр қашықтықты 19 секундта бағындырғысы келеді. Ол қазіргі таңдағы әлемдегі теңдессіз желаяқ.
Сурет furfur.me
Бұл туралы vesti.kz сайты хабарлайды.
«Рио-де Жанейро менің соңғы Олимпиадам болмақ. Егер Бразилия жерінде барлық мақсатымды жүзеге асыратын болсам, тағы 4 жыл бойы мотивациямды сақтап тұру қиын. Олимпиада ойындарының ең үлкен арманым тағы да үш алтын жеңіп алу. 200 метр қашықтықты 19 секундта басып өту менің ең негізгі мақсаттарымның бірі», – дейді Болт.
Осының алдында 29 жастағы спортшы 2017 жылғы әлем чемпионатынан спорттық карьерасын аяқтағысы келетінін айтқан болатын.
Айта кетейік, Усэйн Болт алты дүркін Олимпиада чемпионы.
Талқылау