Ұлының туған күнін атап өтпек болған қақпашы әуе апатынан аман қалды
Колумбияға баратын команда сапына енбей қалған “Шапекоэнсе” футбол клубының қақпашысы, кешегі әуе апатынан аман қалды.
Бұл туралы life.ru хабарлайды.
Бразилиялық “Шапекоэнсе” командасының үшінші қақпашысы Марсело Бук командамен бірге Колумбияға ұшпай қалған. Ол ұлының туған күнін атап өту үшін қалып қойған екен.
“Отбасы мүшелерімен және өзге ойыншылармен бірге Марело да стадионда болды. Құдай өзі оны осы сапарға шығармады”, – дейді футболшының агенті.
Жалпы, Оңтүстік америка кубогының бірінші финалына қатысушы футболшылар тізіміне тоғыз ойыншы енбей қалған.
Еске сала кетсек, кеше Боливиядан ұшып шыққан жолаушылар ұшағы Колумбияда апатқа ұшырады. Алдын-ала деректер бойынша ұшақ бортында 81 адам болған. Олардың 9-ы экипаж мүшелері. Ұшақ ішінде сондай-ақ, Бразилияның жоғарғы дивизионында ойнайтын “Шапекоэнсе” командасының мүшелері, клуб басшылығы, бапкерлік штаб өкілдері, техникалық қызметкерлер және журналистер мен үш қонақ болған. Ұшақ бортында болған 81 адамның 5-еуі ғана тірі қалды: үш футболшы, стюардесса және журналист.
Оқи отырыңыз:
Бокстан Қазақстан ұлттық құрамасының жаңа құрамы жарияланды
Жәнібек Әлімханұлы Жармановты екі рет нокдаунға түсіріп чемпион атанды
Аршавин марапаттау рәсімінен соң Қазақстан кубогы финалисі медалін лақтырып жіберді
Вице-министр Илья Ильиннің қанына допинг қалай тап болғанын айтып берді