Ол бұл жайында бүгін ҚР Ұлттық банкі жанындағы ақша-несие саясаты жөніндегі техникалық комитеттің қорытынды отырысында мәлімдеді. ҚР ҰБ басшысының пайымынша, жаз айларында инфляция 17 пайыздан жоғары деңгейде болды. Ал небәрі 4 айдың ішінде оның 2 есеге төмендеуі Ұлттық банк жүргізіп отырған саясаттың дұрыс екендігінің көрсеткіші саналады. Ақышевтің атап өтуінше, өзге орталық банктерге инфляцияны мұндай айтарлықтай төмендету үшін ұзақ уақыт қажет болар еді.

Салыстыру үшін айта кетерлігі, Ресей еркін бағам режіміне көшкеннен кейін инфляция деңгейін 10 айдың (2015 жылдың наурызы 2016 жылдың қаңтары) ішінде 16,9 пайызға дейін ғана төмендете алды. Әзербайжанда 2015 жылдың желтоқсанындағы девальвациядан кейін инфляция біржақты мәнге дейін төмендеген жоқ. Ал соңғы айларда өсім (2016 жылдың желтоқсанында 15,7 пайыз) көрсетіп отыр.

Айта кетейік, ағымдағы жылы Қазақстандағы инфляцияның мақсатты дәлізі 6-8 пайыз деңгейінде белгіленген. ҚР Ұлттық банкі бағалауында таяу 1-2 айдың ішінде инфляция аталған дәліз шегінде болады және 2017 жыл бойы экономикаға тосын кері әсер болмаған жағдайда сақталады.

Жіберіп алмаңыз:

Ақышев: Валюта нарығындағы жағдай тұрақталды

Шымкенттік мүгедектер тегін берілетін қоларбалардың сапасыздығын айтады

Дәурен Абаев ұялы телефондардың IMEI-кодтарын тіркеу жайлы айтып берді

Қызметкерлерін науқастардан қалайда ақша алуға үйреткен бас дәрігер қызметінен кетті

Талқылау