Түркияның экс-премьері Ресей ұшағын атып құлатуға бұйрық бергенін мойындады
Мамыр айында отставкаға кеткен Түркияның экс-премьері Ахмет Давутоғлу ақпарат құралдарына берген сұхбатында 2015 жылдың 24 қарашасында Ресейдің Су-24 ұшағын атып құлатуға бұйрық бергенін мойындады.
Фото: tvc.ru
Бұл туралы bnews.kz хабарлайды.
Ол тек Ресей ұшақтарын ғана емес, сонымен бірге, Түркия әуе кеңістігіне кірген кез келген ұшақты атып құлатуға бұйрық бергенін айтады.
Алайда, Ресей Қорғаныс министрлігі ұшақтарының Сирия аспанында ұшқанына дәлелдер келтіріп, түркиялық тараптың жала жауып отырғанын айтады.
Айта кету керек, 16 шілде күнгі Түркиядағы төңкерістен кейін тұтқынға алынғандар арасында Ресейдің Су-24 ұшағын атып құлатқан ұшқыштардың да бар екені хабарланды.
Талқылау