Түркиядағы шипажайда туристерді тарту үшін Airbus A300 суға батырылды

Түркияның Кушадасы шипажайлық қаласының маңында Airbus A300 суға батырылды. Қала билігі шипажайға туристердің жаңа толқынын осылайша тартпақ.

Бұл туралы ҚазАқпарат хабарлайды.

Түркияның оңтүстік-батыс жағалауындағы Кушадасы шипажайлық қаласының билігі туристер ағынын тарту үшін Airbus A300 ұшағын суға батырды.

Аталған ұшақ Түркияда жасанды рифтерді құру үшін пайданылатын ең үлкені болған. Қала билігінің баяндауынша, аталған жобаның мақсаты – Кушадасы маңында суасты әлемді алуан түрлі қылып, бұл ауданда дайвингті дамыту. Билік бұл жылына қосымша 250 мың түрік, әрі шетелдік туристерді тартатынын күтіп отыр.

Ұзындығы 54 метрлік есептен шығарылған ұшақ үшін қалалық қазынадан 91 мың доллар төленді.