Тыйым салынған Кеңестік қаланың қазіргі кейпі (фото)
Латвия аумағындағы Скрунда-1 әскери қалашығының кіреберіс қақпасы бір қарағанда ештеңені аңғарта қоймайды. Кәдімгі темір қақпа, көліктерге арналған тұрақ. Ал егер анықтап мән берер болсаңыз, елеусіз қалған дала мен иесіз қаңыраған ауылдардан елестерді көруге болады.
Бұл туралы bigpicture.ru сайты хабарлайды.
Скрунда-1 – Латвияда 1960 жылдары тұрғызылған ежелгі кеңестік әскери қалашық. Қала арнайы радиотехникалық жүйе арқылы, зымыран шабуылынан қорғану үшін салынған. Бұл аумақта 10 тұрғын үй, мектеп, балабақша, қонақүй, мәдениет үйі және аурухана да болды. Алайда 1991 жылы КСРО тарап кеткен соң, Ресейдің бұл аймаққа жылына жалға алу құны ретінде 5 миллион доллар төлеуіне тура келді. Содан соң Латвия бекетте одан әрі қарай құрылыс жұмыстарын жүргізуге тыйым салды. 1998 жылы қалада қалған адамдардың барлығы көшіп кетіп, құрылғылар қиратылды.
Міне, 20 жыл өткеніне қарамастан әскери қалашық әлі тұр. Ондағы ғимараттардағы жазулар, қалған-құтқан киімдер мен ғимараттар бір кездері бұл жерде де тіршілік белгісі болғанының дәлелі.
Қаңырап қалған кабинеттердің бірі.
Ұмытылып қап кеткен аяқ киім тақасы мен бас киім.
Балалар бөлмесіндегі қабырғаға ілінген қағаздар.
Бес жұлдызды төсбелгі.
Қалашық көрініс.
Кезіндегі әскери ғимараттар.
Қалашықтың басты жолы.
Әскери газ тұмылдырық.
Ғимараттың ішкі көрініс.
Қаладағы аурухана.
Латвиялық отбасы үйлердің арасымен серуен құрып жүр.