Тыңдармандары Түркияда қамсыз демалып жатқан Лидоның батылдығына таңқалды (фото)
Маусымның 28-і күні Ататүрік атындағы Ыстамбұл әуежайында 2 бірдей жарылыс болған. Салдарынан 36 адам көз жұмған. Осы қайғылы оқиғадан кейін көптеген қазақстандық Анталияға барып демалудан қорқып қалған. Десе де, олардың қатарында Лидо, Мейрамбек Беспаев, Қыдырәлі Болманов сынды жұлдыздар жоқ.
Фото: instagram.com/lido_kz/
Бұл туралы Stan.kz хабарлайды.
Түркияның шипажайы қазақстандықтар арасында кеңінен танымал. Көпшілік аталған елдің демалыс орындарының жанға жайлы әрі бағасы тиімді екенін айтады. Олардың арасында әнші Лидо да бар.
Лидо Түркиядағы қиын жағдайға қарамастан, отбасымен бірге сол жаққа демалуға барған. “Гюраль” қонақүйінде әлі 10 күн уақыт демалмақ.
“Қымбаттыларым менің, біз үшін алаңдап жатқандарыңа рахмет! Бізде барлығы жақсы! Дәл қазір үйге жедел оралатындай жайсыздықтар жоқ. Сондықтан елге тек өзіміз жоспарлаған уақытта ораламыз. Кемерде барлығы тыныш әрі жанға жайлы. Егер кімде-кім аталған аймақта демалап жатса, оларға тамаша фотографты ұсына аламын”, – дейді Лидо.
Желі қолданушылары әншінің батылдығына қайран қалып, түрлі пікір білдірді. Арасында кей тыңдарманы ең бірінші болып оның қымбат киімдері мен баласының бесік арбасына назар аударған.
Тыңдармандары “Сіздің аяғыңыздағы балеткаңыз қатты ұнады. Оны қайдан сатып алуға болады?”, “Лидо, жақсылап демалып қайтыңыздар!”, “Сіз керемет анасыз”, “Бүгін таңертең жаңалықты оқи салысымен сіз туралы ойладым. Барлығы жақсы болып жатқанына қуаныштымын”, “Балаңыздың бесік арбасы ескіріп кетіпті ғой” деген сынды пікірлер білдірген.
Жіберіп алмаңыз:
Лидоның жалаңаш суреттерін көрген желі қолданушылары әншінің сымбатына таң қалысты
Лидо өзінің “Лабутен” туфлиін көрсетті