Туған ата-анасы бас тартқан науқас баланы бейтаныс әйел құтқарды
Әбден жүдеген балаға қайырымдылық ұйымы мүшесінің су беріп тұрған сәті түсіп қалған сурет, көпшіліктің көзіне жас келуіне себепкер болған. Бұл сурет қаңтар айында Анья Рингген Ловен есімді әйел 2 жасар баланы алғаш көрген кезінде түсірілген.
Бұл туралы bigpicture.ru сайты жазған.
Баланың далада осылайша киім, тамақсыз жүргеніне сол кезде 8 ай болған екен. Оның өз ата-анасы оны дуагер яғни сиқыршы, туғаннынан тек жағымсыз дүниелердің болуына себепкер деп түсініп, далаға тастаған. Африка елдерінде мұндай жағдай жиі кездеседі. Балақай көп уақыт бойына аштық пен ыстықта әбден қиналған. Анья оны көресала тамақтандырып, матаға орап жақын маңдағы ауруханаға жеткізген.
Бұл келіншектің өзі де отбасымен Африкада тұрады. Ол үш жыл бұрын қараусыз қалған балалардың білім алуына, жақсы тамақтанып, дұрыс киінуі үшін көмектесетін қор ашқан.
Қазір екі жастағы Хоуп деп атап кеткен ( ағылшын тілінен аударғанда Үміт) балақайдың жағдайы жақсарған. Ол өзі отырып,қазір тұрып жатқан үйдің балаларымен еркін ойнайтын жағдайға жеткен.